قىتايدىڭ شيان قالاسىندا ق ر تاۋەلسىزدىگىنىڭ 26 جىلدىعىنا ماراپات تابىستاۋ ءراسىمى ءوتتى
ءىس- شارا 17 -جەلتوقساندا 150 قازاقستاندىق ستۋدەنتتىڭ قاتىسۋىمەن ءوتتى.
KSAC- تىڭ اتىنان تاۋەلسىزدىكتىڭ 26 جىلدىعىنا وراي جانە قازاقستاندىق ستۋدەنتتەردىڭ ومىرىندەگى وزەكتى ماسەلەلەردى شەشۋگە قوسقان ۇلەسى ءۇشىن قىتايداعى ق ر ەلشىلىگى كونسۋلدىق ءبولىمىنىڭ مەڭگەرۋشىسى بولات سىرلىبايەۆ، شيان كولىك ۋنيۆەرسيتەتى جىبەك جولىنىڭ ەكونوميكالىق بەلدەۋى يننوۆاتسيالىق ورتالىعى جانىنداعى ورتالىق ازيا قۇقىق عىلىمي ورتالىعىنىڭ ديرەكتورى سوفيا ۋشۋروۆا، سونداي-اق قازىرگى ۋاقىتتا سيان شەت تىلدەر ۋنيۆەرسيتەتىندە قازاق ءتىلى كافەدراسىندا جۇمىس ىستەيتىن ل. ن. گۋميلەۆ اتىنداعى ە ۇ ۋ وقىتۋشىسى گۇلايىم وسپانقۇلوۆا ماراپاتتالدى.
كەشتە وڭتۇستىككورەيالىق ءانشى Tak Joo Yoo « كوزىمنىڭ قاراسى» ءانىن شىرقادى. رەسپۋبليكالىق جانە حالىقارالىق فەستيۆالدەردىڭ لاۋرەاتى نۇربول سادىقوۆ «اققۋ» كۇيىن شەرتىپ، «پوپۋرري» ورىندادى.
«ءبىزدىڭ ەلىمىز الەمدىك دەڭگەيدە جوعارى بەدەلگە يە بولدى. ستۋدەنتتەرىمىز ەلىمىزدى ماقتان تۇتىپ، بىرلىك پەن ىنتىماققا ۇمتىلعاندارىن قالايمىز. ءبىزدىڭ ورتاق ۇيىمىزدە بەيبىتشىلىك پەن كەلىسىم نىعايا بەرسىن»، - دەدى KSAC شيان بولىمشەسىنىڭ ءتورايىمى نۇرگۇل ماقۇلبەك قازاقپاراتقا بەرگەن سۇحباتىندا
ەسكە سالايىق، قىتايدىڭ بەيجىڭ، شاڭحاي، ءۇرىمجى، سيان جانە باسقا دا قالالارىندا قازاقستاننىڭ تاۋەلسىزدىك كۇنىن مەرەكەلەۋگە بايلانىستى اۋقىمدى شارالار ءوتىپ جاتىر.
