07:15, 27 - قاراشا 2014 | GMT +6
بولليۆۋد جۇلدىزى پايعامبارعا ءتىل تيگىزگەنى ءۇشىن 26 جىلعا سوتتالدى
استانا. قازاقپارات - پاكىستان سوتى بوللليۆۋد جۇلدىزى ۆينا ماليكتى پايعامبارعا ءتىل تيگىزدى دەپ ايىپتاپ، 26 جىلعا باس بوستاندىعىنان ايىرۋ تۋرالى شەشىم شىعاردى، دەپ جازادى شەتەلدىك ب ا ق.
وقيعا بىلاي بولعان: 14- مامىر كۇنى Geo TV ارناسىنىڭ تاڭەرتەڭگىلىك شوۋىندا اكتريسا ۆينا ماليك پەن ونىڭ جولداسى مۇحاممەد پايعامباردىڭ وتباسى جايىندا عايبات سوزدەر ايتقان.
كەيىن Geo Television وسى ءۇشىن كوپشىلىكتەن كەشىرىم سۇراعان بولاتىن. سوندا دا سوت Geo مەدياتوبىنىڭ جەتەكشىسى شاكيل-ار-راحماندى، كينوجۇلدىز ۆينا ماليك پەن ونىڭ كۇيەۋىن 26 جىلعا باس بوستاندىعىنان ايىرۋ تۋرالى شەشىم شىعاردى.
پاكىستانداعى انتيتەررورلىق سوت سونىمەن بىرگە سوتتالعان ۇشەۋدىڭ ءارقايسىسىنا 1,3 ميلليون رۋپي (12,6 مىڭ دوللار) كولەمىندە ايىپپۇل تولەۋدى مىندەتتەدى.
«ولاردىڭ بۇل قىلىقتارى - بارلىق مۇسىلمانداردى قورلاۋ. سوندىقتان دا قاتال جازالانۋى ءتيىس»، - دەپ ەسەپتەيدى سوتتاعىلار.
