اتىراۋ وبلىسىندا قىزىلشا جۇقتىرۋدىڭ 269 دەرەگى تىركەلدى
اتىراۋ وبلىستىق سانيتاريالىق- ەپيدەميالوگيالىق باقىلاۋ دەپارتامەنتىنىڭ ءبولىم باسشىسى ايناگۇل سارسەنعاليەۆانىڭ مالىمەتىنشە، 2- ناۋرىزدان 7- قىركۇيەككە دەيىن قىزىلشا جۇقتىرۋ كۇدىگىمەن 372 جاعداي انىقتالعان.
«مۇنداي دەرەكتىڭ دەنى اتىراۋ قالاسىندا بايقالىپ وتىر. قالا تۇرعىندارىنان 337، جىلىوي اۋدانىندا 16، قۇرمانعازىدا – 7، ماحامبەتتە – 6، يساتاي، قىزىلقوعا، يندەر اۋداندارىندا 2 جاعداي انىقتالدى. زەرتحانالىق تالداۋ قورىتىندىسىمەن قىزىلشا جۇقتىرۋدىڭ 269 دەرەگى تىركەلدى. قىزىلشا ينفەكتسياسىنىڭ الدىن الۋعا باعىتتالعان كۇرەستىڭ جالعىز ءارى ءتيىمدى شاراسى - ۆاكسينا سالدىرۋ»، - دەيدى ايناگۇل سارسەنعاليەۆا.
ونىڭ ايتۋىنشا، بالالاردى قىزىلشاعا قارسى ۆاكسيناتسيالاۋ قىزىلشا، قىزامىق جانە ەپيدەميالىق پاروتيتكە قارسى بىرىكتىرىلگەن ۆاكسينا ەگۋ ارقىلى جۇزەگە اسىرىلادى.
«بۇل ۆاكسينا دۇنيەجۇزىلىك دەنساۋلىق ساقتاۋ ۇيىمى تاراپىنان سەرتيفيكاتتالعان. ۆاكسينانى ۇلتتىق ەگۋ كۇنتىزبەسىنە سايكەس 12-15 ايلىق كەزدە، ءارى قاراي ريەۆاكسيناتسيالاۋ 6 جاستا جۇرگىزىلەدى. وسى كەزگە دەيىن 9649 ادام قىزىلشاعا قارسى ۆاكسينا سالدىردى»، - دەپ ءمالىم ەتتى ايناگۇل سارسەنعاليەۆا.
ەسكە سالا كەتەلىك، بۇدان بۇرىن اتىراۋ وبلىسىندا 5 ايدا قىزىلشا جۇقتىرۋدىڭ 202 دەرەگى تىركەلگەنىن جازعان بولاتىنبىز.
اتىراۋ وبلىسىندا بيىلعى ناۋرىز ايىندا اتالعان اۋرۋدىڭ 4 جاعدايى تىركەلگەن. العاشقى جاعداي شەت ەلدەن كەلگەن جاس وسپىرىمنەن انىقتالعان. تۇركيا ەلىنەن كەلگەن ازاماتتىڭ بالاسى ۆيرۋستى سول جاقتان جۇقتىرىپ كەلگەن. ال، بەس ايدا وسىنداي 202 دەرەك تىركەلگەن.
