قازاقستاندا 260 مەكتەپ كۇردەلى جوندەۋدەن ءوتىپ جاتىر

جاڭا وقۋ جىلىنىڭ قارساڭىندا بۇكىل مەكتەپتەردىڭ دايىندىعى تاعى ءبىر كەشەندى مونيتورينگتەن ءوتتى، دەپ حابارلايدى قازاقپارات.
مونيتورينگتىڭ ماقساتى - مەكتەپتەردىڭ وقۋ جىلىنا دايىندىعىنىڭ جاي-كۇيىن انىقتاۋ، وقۋشىلاردىڭ قاۋىپسىز جانە جايلى ورتادا ءبىلىم الۋىنا جاعداي تۋدىرۋ.
وقۋ نىساندارىن ارالاۋ كەزىندە مينيسترلىك وكىلدەرى مەكتەپتەردىڭ قازىرگى احۋالىنا، رەسۋرستارىنا جانە ءبىلىم سالاسىنداعى نقا تالاپتارىنا سايكەستىگىنە تالداۋ جۇرگىزدى.
اتاپ ءوتۋ كەرەك، اكىمدىكتەر جوسپارلاعان 193 مەكتەپتە كۇردەلى جوندەۋ جۇمىستارى 1- قىركۇيەككە دەيىن اياقتالادى.
سونداي-اق، مونيتورينگ ناتيجەسىندە انىقتالعانى: كەلىسىمشارتقا سايكەس كۇردەلى جوندەۋ جۇمىستارى 51 مەكتەپتە جىلدىڭ سوڭىندا، ال 17 مەكتەپتە كەلەسى جىلدىڭ باسىندا اياقتالادى.
اكىمدىكتەرگە وقۋ جىلى باستالعانعا دەيىن وقۋ باعدارلامالارىن ازىرلەۋ، قاۋىپسىزدىكتى قامتاماسىز ەتۋ بويىنشا قاجەتتى شارالاردى قابىلداۋ، وقۋ پروتسەسىن ۇيىمداستىرۋ جانە وقۋشىلاردى ءبىلىم بەرۋ ۇيىمدارىنا جانە كەرى ۇيلەرىنە تاسىمالداۋدى ۇيىمداستىرۋ ءۇشىن ۋاقىتشا ءبىلىم الۋ ورىندارىن ايقىنداۋ تۋرالى ۇسىنىمدار بەرىلدى.
مينيسترلىك ءبىلىم بەرۋ ۇيىمدارىنداعى جوندەۋ جۇمىستارىنىڭ بارىسىن كۇن سايىن قاداعالاپ وتىرعانىن ايتا كەتۋ كەرەك.
بۇل مونيتورينگ بالالارىمىزدىڭ ساپالى ءبىلىم الۋىنىڭ، ءبىلىم بەرۋ مەكەمەلەرىنىڭ جاڭا وقۋ جىلىنا دايىندىعىن ارتتىرۋدىڭ نەگىزگى قۇرالى بولىپ تابىلادى.
وسى جىلدىڭ تامىز ايىنىڭ سوڭىندا مينيسترلىك كەزەكتى مونيتورينگ جۇرگىزۋدى جوسپارلاپ وتىر.
بۇل باعىتتاعى جۇمىستار ءالى دە جالعاسىپ جاتىر.