اسكەرگە شاقىرىلعان 2600 ازاماتتىڭ نەسيەسىن تولەۋ كەيىنگە شەگەرىلدى

«اسكەري قىزمەتتىڭ بەدەلى مەن تارتىمدىلىعىن ارتتىرۋ ماقساتىندا قورعانىس مينيسترلىگى قارجى نارىعىن رەتتەۋ جانە دامىتۋ اگەنتتىگىمەن بىرلەسىپ، مەرزىمدى قىزمەتتەگى اسكەري قىزمەتشىلەرگە بانكتىك قارىزدار مەن ميكروكرەديتتەر بويىنشا تولەمدەردى كەيىنگە قالدىرۋدى ۇسىنۋدى ۇيىمداستىردى. بۇگىنگى تاڭدا 2600 دەن استام مەرزىمدى اسكەري قىزمەتكە شاقىرىلعان ازاماتتاردىڭ بارلىق سانىنان قارىزدار بويىنشا تولەمدەردى كەيىنگە قالدىرۋ ءۇشىن ۋاقىت بەرىلدى. جوبانىڭ ۇزاق مەرزىمدى سيپاتىن ەسكەرە وتىرىپ، جەكە ءوتىنىشسىز پرواكتيۆتى فورماتتا كرەديتتى تولەۋدى توقتاتا تۇرۋ مۇمكىندىگىن ۇسىنۋ الگوريتمى ازىرلەندى. بۇل الگوريتم دامۋ ساتىسىندا»، - دەپ ءمالىم ەتتى دارحان احمەديەۆ و ك ق- دا وتكەن بريفنگىدە.
سونداي- اق، سپيكەر 17 جاستاعى بالالاردى اۆتوماتتى تۇرگە اسكەري ەسەپكە قويۋدان 1 ميلليارد تەڭگە ۇنەمدەلەتىنىن ايتتى.
بۇعان قوسا، اسكەردەن جالتارۋ ءۇشىن جالعان انىقتاما جاساعاندار انىقتالعان.