قازاقستاننىڭ مەملەكەتتىك قارىزى 26,6 ميلليارد دوللاردى قۇرايدى
بۇگىن پارلامەنت ماجىلىسىندە 2015-جىلعى رەسپۋبليكالىق بيۋدجەتتىڭ اتقارىلۋى تۋرالى ۇكىمەت ەسەبىن تانىستىرعان ق ر قارجى ءمينيسترى باقىت سۇلتانوۆ وسىلاي ءمالىم ەتتى.
«2016-جىلدىڭ 1- قاڭتارىنداعى جاعداي بويىنشا قازاقستاننىڭ مەملەكەتتىك قارىزى 9 تريلليون 22 ميلليارد تەڭگەنى قۇراپ وتىر. بۇل ا ق ش دوللارىنا شاققاندا 26,6 ميلليارد دوللاردى قۇراپ، ءى ج و 21,6 پايىزىنا تەڭ. دۇنيەجۇزىلىك ەكونوميكالىق فورۋمنىڭ جاھاندىق باسەكەگە قابىلەتتىلىك يندەكسى جونىندەگى 2015-2016-جىلعى ەسەبىنە سايكەس، قازاقستان «مەملەكەتتىك قارىز» يندەكسى بويىنشا 140 مەملەكەتتىڭ اراسىندا 12- ورىنعا يە بولىپ وتىر»، - دەدى ب. سۇلتانوۆ.
ونىڭ سوزىنە قاراعاندا، بورىشتىق جۇكتەمەلەر دە ەلىمىزدە بۇرىنعىداي قاۋىپسىز دەڭگەيدە تۇر. «بورىشتاردى قايتارۋدىڭ كىرىستەرگە اراقاتىناسى 10 پايىزدان تومەن، بۇل رەتتە شەكتى دەڭگەي 15 پايىز بولىپ تابىلادى»، - دەدى مينيستر.
اۆتور: قانات مامەتقازى ۇلى
