قازاقستاندا بەس ايدا شامامەن 25 ميلليارد تەكشە مەتر گاز ءوندىرىلدى

استانا. قازاقپارات - اعىمداعى جىلدىڭ قاڭتار- مامىر ايلارىندا قازاقستاندا تابيعي گاز ءوندىرۋ كولەمى 24,5 ميلليارد تەكشە مەتردى قۇرادى. بۇل وتكەن جىلدىڭ سايكەس كەزەڭىمەن سالىستىرعاندا % 0,5- عا ارتىق.

بۇل تۋرالى Energyprom.kz سايتىنا سىلتەمە جاساپ «قازاقپارات» ح ا ا حابارلايدى.

اتاپ ايتقاندا، ىلەسپە مۇناي گازىن (مەتان، پروپان، بۋتان جانە ت. ب. ) ءوندىرۋ 14,5 ميلليارد تەكشە مەترگە جەتتى. ال گاز تارىزدەس تابيعي گاز - 10 ميلليارد تەكشە مەتر، پليۋس جىلىنا % 1,2. ىلەسپە مۇناي گازىن كوممەرتسيالىق ءوندىرۋ 7,5 ميلليارد تەكشە مەتردى قۇرادى. تابيعي گاز - 4,1 ميلليارد تەكشە مەتر.

وڭىرلىك تۇرعىدا اعىمداعى جىلدىڭ العاشقى بەس ايىندا ءوندىرىستىڭ ەڭ ۇلكەن كولەمى مۇنايلى اتىراۋ وبلىسىنا (11,5 ميلليارد تەكشە مەتر گاز، پليۋس جىلىنا % 2,2) جانە باتىس قازاقستان وبلىسىنا (9,3 ميلليارد تەكشە مەتر گاز) تيەسىلى.

جالپى، 2022 -جىلى گاز ءوندىرۋ كولەمى 52,7 ميلليارد تەكشە مەتردى قۇرادى.