شىلدەدەن باستاپ «التىن القالى» انالاردىڭ جاردەماقىسى 25 مىڭ تەڭگە بولادى
«1 -شىلدەدەن باستاپ الەۋمەتتىك كودەكس كۇشىنە ەنەدى. بۇل – ت م د اۋماعىندا العاش رەت قولدانىسقا ەنگىزىلىپ وتىرعان ءبىرتۇتاس الەۋمەتتىك قۇجات. كودەكس ادامنىڭ بۇكىل ءومىر ءسۇرۋ كەزەڭىن قامتيدى. اتاپ ايتقاندا، تۋعاننان كامەلەتتىك جاسقا تولعانعا دەيىنگى الەۋمەتتىك قولداۋ، ەڭبەككە قابىلەتتى جاستا جۇمىسپەن قامتۋ، ەڭبەك قاۋىپسىزدىگى، الەۋمەتتىك ساقتاندىرۋ ءىس- شارالار، ومىرلىك قيىن جاعداي تۋىنداعان كەزدەگى الەۋمەتتىك كومەك، جاسى ۇلعايعان شاقتاعى قولداۋلار سياقتى الەۋمەتتىك قولداۋدىڭ ءبارى وسى قۇجات ارقىلى رەتتەلەدى»، - دەدى مينيستر. .
ونىڭ اتاپ وتۋىنشە، الەۋمەتتىك كودەكستە كوزدەلگەن قولداۋ ءىس- شارالارىنىڭ ءبىرازى جىل باسىنان بەرى كورسەتىلىپ كەلەدى.
ال قالعانى وسى جىلدىڭ 1-شىلدەسىنەن باستالادى.
«انا مەن بالانى قورعاۋدى كۇشەيتۋ ماقساتىندا بىرىنشىدەن، جىل باسىنان باستاپ بالا كۇتىمىنە بايلانىستى كۇتىمدەر مەرزىمۋى 1,5 جاسقا دەيىن ۇزارتىلدى. بۇگىندە مۇنداي كومەكتى 450 مىڭنان استام وتباسى الدى. جىل سوڭىنا دەيىن 800 مىڭنان استام وتباسى قامتىلادى دەپ بولجاپ وتىرمىز. ەكىنشىدەن، 1 جاستان 6 جاسقا دەيىنگى بالالارعا ارنالعان اتاۋلى الەۋمەتتىك كومەك اقشالاي بەرىلۋدە. جىل باسىنان بەرى مۇنداي كومەك 171 مىڭنان استام بالاعا كورسەتىلدى. جىل سوڭىنا دەيىن 212 مىڭ بالاعا بەرىلەدى. ۇشىنشىدەن، 1 -شىلدەدەن باستاپ «التىن القا» توسبەلگىسىمەن ماراپاتتالعان كوپبالالى انالارعا بەرىلەتىن جاردەماقى مولشەرى 7,4 ايلىق ەسەپتىك كورسەتكىشكە دەيىن ارتىپ، 90 مىڭ اناعا تولەنە باستايدى»، - دەدى تامارا دۇيسەنوۆا.
