15:11, 07 - ناۋرىز 2023 | GMT +6
مينيستر سوڭعى قوڭىراۋدى 25- مامىرعا قايتارۋعا قاتىستى پىكىر ءبىلدىردى
استانا. قازاقپارات - وقۋ-اعارتۋ ءمينيسترى عاني بەيسەمبايەۆ مەكتەپتە وتكىزىلەتىن سوڭعى قوڭىراۋ داستۇرىنە قاتىستى تۇسىنىك بەردى، دەپ حابارلايدى قازاقپارات ءتىلشىسى.
«25- مامىرداعى سوڭعى قوڭىراۋدى قايتارۋ تۋرالى ءبىراز اتا-انا ايتىپ جاتىر. شەشىمدى قابىلداۋ جانە ونى وسى جىلى بىردەن وزگەرتۋ وڭاي ەمەس. بۇل وقۋ جوسپارىنا، مۇعالىمدەردىڭ ساعاتىنا جانە جوسپارلانعان ءبىلىم بەرۋ ماتەريالدارىنا اسەر ەتەدى. وسىعان دەيىن قابىلدانعان شەشىم بيىل جۇزەگە اسىرىلادى»، - دەدى عاني بەيسەمبايەۆ ۇكىمەت وتىرىسىنان كەيىن ب ا ق وكىلدەرىنىڭ ساۋالىنا جاۋاپ بەرە تۇرىپ.
ءمينيستردىڭ ايتۋىنشا، سوڭعى قوڭىراۋ وتكىزۋ تۋرالى بۇيرىقتى وقۋ قاۋىمداستىعى مەن اتا-انالاردى جيناپ، قايتا قاراۋ تاپسىرىلدى. تۇپكىلىكتى شەشىمدى ساراپشىلار قاۋىمداستىعى قابىلدايدى.
ەسكە سالساق، بۇعان دەيىن وقۋشىلاردىڭ سوڭعى قوڭىراۋ مەرەكەسى 1- ماۋسىمدا وتەتىنى ايتىلعان ەدى.
