ەلوردانىڭ سولتۇستىك- باتىس اينالما جولى 25- تامىزعا دەيىن جابىلادى

نۇر- سۇلتان. قازاقپارات - نۇر- سۇلتان قالاسىنىڭ سولتۇستىك- باتىس اينالما جولىنىڭ 1,4 شاقىرىمىنان باستاپ 6 شاقىرىمىنا دەيىنگى ۋچاسكەسى جابىلادى، دەپ حابارلايدى قازاقپارات.

«قازاۆتوجول» ۇ ك» ا ق اقمولا وبلىسى فيليالىنىڭ اقپاراتىنا سايكەس، رەسپۋبليكالىق ماڭىزى بار ر-10 نۇر- سۇلتان قالاسىنىڭ سولتۇستىك- باتىس اينالما جولىنىڭ 4 شاقىرىمىنداعى اپاتتى جاعدايعا بايلانىستى اتالمىش جولدىڭ 1,4 شاقىرىمىنان باستاپ 6 شاقىرىمىنا دەيىنگى تەلىمى 25 - ناۋرىزدان 15 - تامىزعا دەيىن كۇردەلى جوندەۋ جۇمىستارىن جۇرگىزۋ ءۇشىن جابىلماق.

«وسى ورايدا نۇر- سۇلتان قالاسى، اقمولا وبلىسى تۇرعىندارى مەن قوناقتارىنا، سونداي اق بارلىق ترانزيتتىك جۇرگىزۋشىلەرگە بالاما جولدىڭ بارىن ەسكەرتەمىز. جەڭىل كولىك يەلەرى قالا ىشىمەن، ياعني لەسوزاۆود ەلدىمەكەنى ارقىلى جۇرە الادى، ال جۇك كولىك يەلەرى ءۇشىن شىعىس اينالما جولى بار» دەپ ەسكەرتەدى كومپانيادان.

تۋىنداعان بارلىق سۇراق بويىنشا تاۋلىك بويى جۇمىس جاسايتىن 1403 كولل ورتالىعىنا قوڭىراۋ شالۋعا بولادى.