جاپونيانىڭ وساكا قالاسىنداعى ورتتەن قازا تاپقاندار سانى 25 كە جەتتى
بۇعان دەيىن 24 ادام قۇربان بولعانى حابارلانعان. دۇيسەنبىگە قاراعان ءتۇنى اۋىر حالدە جاتقان جاس ايەل قايتىس بولدى. تاعى ءۇش ادام، سونىڭ ىشىندە ءورت قويدى دەگەن كۇدىكپەن 60 جاستاعى ەر ادام جاراقات الىپ، اۋرۋحانادا جاتىر. ءورت قالاداعى كەڭسە عيماراتتارىنىڭ ءبىرىنىڭ ءتورتىنشى قاباتىنداعى ەمحانادا بولعان. بەينەباقىلاۋ كامەراسىنا اتالمىش ەمحانادا ەمدەلىپ جاتقان ەر ادامنىڭ ليفت پەن كىرەبەرىس ەسىكتىڭ جانىنا جانارماي توگىپ، ونى وتتىقپەن ورتەپ جىبەرگەنى ءتۇسىپ قالعان.
ءورت بولمەدەن شىعاتىن جالعىز جولدى جاۋىپ تاستادى. سونىمەن قاتار، كۇدىكتى ادامداردىڭ قاشىپ كەتۋىنە جول بەرمەي، وتكەلدى جاۋىپ تاستاعان. تەرگەۋ بارىسىندا كۇدىكتىنىڭ ۇيىنەن 36 ادامنىڭ ولىمىنە سەبەپشى بولعان كيوتوداعى Kyoto Animation انيماتسيالىق كومپانياسىنىڭ ستۋدياسىن ورتەۋ تۋرالى ەكى جىل بۇرىنعى گازەت ماقالالارىنىڭ قيىندىلارى تابىلعان. پوليسيا ەر ادام تاپ وسى قىلمىستى قايتالاماق بولعان دەپ ەسەپتەيدى.
