بيىلعى «قازاقستان بارىسىنىڭ» جەڭىمپازى 25 ميلليون تەڭگەنى قانجىعاسىنا بايلايدى
«ق ر ۇلتتىق وليمپيادا كوميتەتى جالپى ۇلتتىق سپورتتى قولدايدى. سونىڭ ىشىندە قازاق كۇرەسىنە ەرەكشە كوڭىل بولەمىز. «قازاقستان بارىسى» جوباسىن دا قولدايمىز. جاقىندا ۇلتتىق وليمپيادا كوميتەتىنىڭ ءتوراعاسى تيمۋر ق ۇلىبايەۆ لوزاننادا حالىقارالىق كۇرەس فەدەراتسياسىنىڭ باسشىسىمەن كەزدەسىپ، حالىقارالىق قازاق كۇرەسى فەدەراتسياسىن مۇشەلىكككە ەنگىزۋ ماسەلەسىن قوزعاپ، سول جاقتان قولداۋ تاپتى. مەنىڭ ويىمشا، بۇل وتە كەرەك نارسە. بولاشاقتا دا ءبىزدىڭ ۇ و ك «قازاقستان بارىسى» تۋرنيرىنە قولداۋ كورسەتە بەرەدى»، - دەدى ۇلتتىق وليمپيادا كوميتەتىنىڭ سپورت ديرەكتسياسىنىڭ ديرەكتورى ەلسيار قاناعاتوۆ وكق- دا وتكەن باسپا ءسوز ءماسليحاتىندا.
ءتۋرنيردى وتكىزۋگە ءبىرشاما بيزنەسمەن- مەتسەناتتار قولداۋ ءبىلدىرىپ وتىر. سونىڭ ءبىرى - «وردا ينۆەست» كورپوراتسياسىنىڭ باسقارما ءتوراعاسى شالقاربەك تاليپوۆ ءارۇرلى فەدەراتسيالارمەن بىرگە قازاق كۇرەسى فەدەراتسياسىنا دا الداعى ۋاقىتتا قولداۋ كورسەتىلەتىنىن اتاپ ءوتتى.
ق ر قازاق كۇرەسى فەدەراتسياسىنىڭ پرەزيدەنتى ارمان شورايەۆتىڭ ايتۋىنشا، وسىمەن توعىزىنشى رەت وتەتىن باسەكەگە ەلىمىزدىڭ 14 وبلىسىنان، نۇر- سۇلتان، الماتى، شىمكەنت قالالارىنان جانە كۇشتىك قۇرىلىمدار اراسىنداعى تۋرنيردە ىرىكتەۋدەن وتكەن 36 ۇزدىك بالۋان قاتىسادى. رەسمي سالماق ولشەۋ ءراسىمى 6 - ماۋسىم، ساعات 19.00 گە بەلگىلەنگەن.
«قازاقستان بارىسى» ءتۋرنيرى 8 - ماۋسىمدا 13:00 دە بالۋانداردىڭ جەرەبە تارتۋ راسىمىنەن باستالماق. تارتىستى بەلدەسۋلەر جەتى ساعاتقا سوزىلادى دەپ جوسپارلانعان. شارا اياسىندا سپورتتىق سايىستارمەن قاتار كونسەرتتىك باعدارلاما مەن كەرەمەت شوۋ وتەدى. «قازاقستان بارىسى» ءتۋرنيرىنىڭ بيىلعى جۇلدە قورى قوماقتى - 40 ميلليون تەڭگە»، - دەيدى ول.
جەڭىمپاز اتانعان بالۋانعا التىن بەلبەۋ مەن التىننان قۇيىلعان اۋىسپالى «تايتۇياق»، 25 ميلليون تەڭگە سىياقى تابىستالادى. ەكىنشى جانە ءۇشىنشى ورىن يەگەرلەرى سايكەسىنشە كۇمىس جانە قولا بەلبەۋلەرمەن ماراپاتتالادى. سونىمەن قاتار، ءار بەلدەسۋدەگى جەڭىسكە 100 مىڭ تەڭگەدەن بەرىلەدى. سونداي- اق، جىلداعى داستۇرگە ساي جانكۇيەرلەر اراسىندا اۆتوكولىك ويناتىلادى.
«كەلەسى جىلدان باستاپ ءبىر وبلىستان ءبىر عانا بالۋان قاتىساتىن بولادى. ونى ۇپاي، رەيتينگ ارقىلى انىقتايمىز. كەي وبلىستاردا قازاق كۇرەسى جاقسى دامىعان. كەيبىر وبلىستاردىڭ دەڭگەيى ونشا ەمەس دەگەندەي. بيىل قوستاناي وبلىسىندا «قازاقستان بارىسىنا» بالۋانداردى ىرىكتەۋ ءوتتى. وتە شالاعاي.. . جارىس وتە تومەن دەڭگەيدە ۇيىمداستىرىلعان. سول وبلىستىڭ اكىمىنىڭ قۇلاعىنا التىن سىرعا. ال قىزىلوردا، تۇركىستان، الماتى، شىعىس قازاقستان وبلىستارىندا «سەن تۇر، مەن اتايىن» دەگەن بالۋاندار كوپ. رەيتينگ بويىنشا ولارعا جارىسقا قاتىسۋعا مۇمكىندىك بەرەمىز دەپ ويلايمىن. ال رەيتينگتە جوعارى ۇپاي جيناۋ ءۇشىن كۇنتىزبەمىزدەگى سايىستارعا قاتىسۋ كەرەك. سونىمەن قاتار، ءبىز قازاق كۇرەسىنىڭ ساپاسىن كوتەرەمىز دەگەن ويدامىن»، - دەپ تۇيىندەدى ءسوزىن ارمان شورايەۆ.
تۋرنيرگە بيلەتتەر قازىردەن باستاپ «مەلومان» دۇكەندەرى جەلىسى مەن ticketon.kz, zakazbiletov.kz, kassir.kz سايتتارىندا (500 تەڭگە مەن 5000 تەڭگە ارالىعىندا) ساتىلىپ جاتىر.