جاڭبىر، ەكپىندى جەل: 25- ءساۋىر كۇنگى اۋا رايى بولجامى

نۇر-سۇلتان. قازاقپارات - اتموسفەرالىق فرونتتاردىڭ وتۋىنە بايلانىستى 25- ءساۋىر كۇنى قازاقستاننىڭ باسىم اۋماعىندا جاڭبىر جاۋادى. وڭتۇستىك جانە وڭتۇستىك-شىعىس وڭىرلەردە قاتتى جاڭبىر كۇتىلەدى.

رەسپۋبليكانىڭ باتىسىندا عانا اشىق كۇن رايى بولجانادى. جەكەلەگەن ايماقتاردا تۇمان مەن ەكپىندى جەل ساقتالادى، نايزاعاي ويناپ، بۇرشاق جاۋۋى مۇمكىن، دەپ حابارلايدى قازاقپارات.

«قازگيدرومەت» ر م ك مالىمەتىنشە، اقمولا، قاراعاندى، سولتۇستىك قازاقستان، قوستاناي وبلىستارىندا تۇندە كەي جەرلەردە، كۇندىز باسىم بولىگىندە جەلدىڭ ەكپىنى 25 م/س كۇشەيەتىنى كۇتىلەدى، جەكەلەگەن اۋماقتاردا بۇرشاق جاۋۋى ىقتيمال. سولتۇستىك قازاقستان مەن قوستاناي وبلىستارىندا تۇمان بولجانادى.

پاۆلودار وبلىسىنىڭ تۇندە كەي جەرلەرىندە، كۇندىز باسىم بولىگىندە جەلدىڭ جىلدامدىعى 25 م/س ارتۋى مۇمكىن.

جامبىل وبلىسىنىڭ كەي جەرلەرىندە تۇمان، بۇرشا كۇتىلەدى. جەلدىڭ كۇشى 23-28 م/س جەتۋى ىقتيمال.

الماتى وبلىسىنىڭ كەي جەرلەرىندە جەل 15-20 م/س كۇشەيۋى كۇتىلەدى، بۇرشاق جاۋۋى مۇمكىن.

شىعىس قازاقستان، تۇركىستان، كۇندىز قىزىلوردا وبلىستارىنىڭ كەي جەرلەرىندە جەلدىڭ ەكپىنى 15-20 م/س جەتۋى مۇمكىن.

ماڭعىستاۋ وبلىسىندا تۇندە جانە تاڭەرتەڭ تۇمان بولجانادى.