قىسقى وليمپياداعا 25 كۇن قالدى
ءدۇبىرلى دودا جاقىنداعان سايىن سپورتشىلارىمىز دا تاعاتسىزدانا كۇتىپ جۇرگەنى انىق. قازىرگى تاڭدا قازاقستان سپورتشىلارى سپورتتىڭ 4 تۇرىنەن 33 ليتسەنزيا الىپ ۇلگەرگەنىن وسىعان دەيىن دە ايتقان بولاتىنبىز. ونىڭ 10 ى بياتلونشىلارعا، 10 ى شورت-ترەكشىلەرگە، 3 ەۋى مانەرلەپ سىرعاناۋشىلارعا جانە 10 ى كونكيمەن جۇگىرۋشىلەرگە تيەسىلى.
ال وزگە سپورت تۇرلەرىنەن وتانداستارىمىز الەم كۋبوكتارىندا باق سىناپ جاتىر. وسى قاڭتار ايىنىڭ سوڭىندا وليمپياداعا ناقتىلى قانشا سپورتشى باراتىنى بەلگىلى بولادى.
قازاق سپورتشىلارى پحەنچحان قالاسىندا توعىز سپورت تۇرىنەن ونەر كورسەتۋدى جوسپارلاپ وتىر. وليمپيادادا جالپى سپورتتىڭ 15 تۇرىنەن 102 مەدال جيىنتىعى ساراپقا سالىنادى.
ەستەرىڭىزگە سالا كەتەيىك، ءتورتجىلدىق دودا اقپان ايىنىڭ 9-25 كۇندەرى ارالىعىندا وتەدى. جارىستىڭ سالتاناتتى اشىلۋ راسىمىندە قازاقستاننىڭ تۋىن شورت-ترەكتەن الەم كۋبوگىنىڭ، ۋنيۆەرسيادا، ازيا ويىندارىنىڭ جۇلدەگەرى، 2014-جىلعى سوچيدە وتكەن وليمپيادا ويىندارىنىڭ قاتىسۋشىسى ابزال اجعاليەۆ كوتەرىپ شىعادى.
اۆتور: كۇنسۇلتان وتارباي
