08:01, 02 - قازان 2017 | GMT +5
گولوۆكين ءوزىن جەڭگەن بوكسشىنىڭ وتباسىنا 25 مىڭ ەۋرو سىيلادى
استانا. قازاقپارات - قازاقستاندىق بوكسشى گەننادي گولوۆكين (37-0-1, 33 ك و) گەرمانيانىڭ گيفحورن قالاسىندا نەمىس بوكسشىسى ەدۋارد گۋتكنەحتكە قولداۋ بىلدىرۋگە ارنالعان قايىرىمدىلىق كەشىنە قاتىستى.

ايتا كەتەيىك، ەدۋارد گۋتكنەحت باس- مي جاراقاتىنىڭ اۋىر زاردابىن تارتىپ كەلەدى. بۇل تۋرالى Waz-online.de حابارلاۋدا.
قايىرىمدىلىق كەشتە تۇسكەن 50 مىڭ ەۋرونىڭ 25 مىڭىن گولوۆكين سىيلاعان. جينالعان قارجى ەدۋاردتىڭ وتباسىنا تاپسىرىلادى. گۋتكنەحت بوكسشى دجوردج گروۋۆزبەن وتكەن 12 راۋندتىق جەكپە- جەكتە قاتتى سوققى العان بولاتىن. ايقاس اياقتالعان بويدا سپورتشى كيىنۋ بولمەسىنەن بىردەن اۋرۋحاناعا جەتكىزىلىپ، ونىڭ ميىنا وپەراتسيا جاسالدى.
ەسكە سالايىق، ەدۋارد گۋتكنەحت اۋەسقوي بوكستا گەننادي گولوۆكيندى جەڭگەن بولاتىن.