ءبىلىم جانە عىلىم ءمينيسترى: ماعان 25 ارىپتەن تۇراتىن ءالىپبي ۇنادى
«بۇل ماسەلەنى تولىعىراق تالقىلاۋعا ءالى ۋاقىت بار. ساراپشىلار بىرنەشە نۇسقانى قاراستىرىپ، وسىنى تاڭدادى. سىزدەرگە وسى نۇسقا ۇنادى ما؟ ماعان 25 ارىپتەن تۇراتىن ءالىپبي ۇنايدى. ەندى ازاماتتارىمىز ءوز ويلارىن ايتسىن نەمەسە ناقتى ءبىر ۇسىنىستارى بولسا ۇسىنسىن، ايتسىن. سول ءۇشىن دە وسى ءالىپبي ماسەلەسى تالقىعا سالىنىپ وتىر»، - دەدى ءبىلىم جانە عىلىم ءمينيسترى ەرلان ساعاديەۆ.
ەسكە سالايىق، كەشە، 11 -قىركۇيەكتە ق ر پارلامەنت ماجىلىسىندە «مەملەكەتتىك ءتىلدىڭ لاتىن گرافيكاسىنداعى ءالىپبيىنىڭ ءبىرىڭعاي ستاندارتىن ەنگىزۋ ماسەلەلەرى تۋرالى» تىڭداۋ وتكەن ەدى.
سول تىڭداۋدا ش. شاياحمەتوۆ اتىنداعى تىلدەردى دامىتۋدىڭ رەسپۋبليكالىق كوورديناتسيالىق- ادىستەمەلىك ورتالىعىنىڭ ديرەكتورى، فيلولوگيا عىلىمدارىنىڭ دوكتورى ەربول تىلەشوۆ قازاق ءالىپبيىنىڭ جاڭا نۇسقاسىن ۇسىنعان بولاتىن. ونىڭ ايتۋىنشا، جاڭا نۇسقادا 25 ءارىپ بولادى.
