قىتايدا حيميا زاۋىتىنداعى اپاتتان 25 ادام زارداپ شەكتى

استانا. قازاقپارات - قىتايدىڭ حەبەي پروۆينتسياسىنداعى حيميا زاۋىتىندا حلوردىڭ توگىلۋىنەن زارداپ شەگۋشىلەردىڭ سانى 25 كە جەتتى.

بۇل تۋرالى شينحۋا اگەنتتىگى حابارلادى. وقيعا سەنبى كۇنى تاڭەرتەڭ سۋنگوچجۋان كەنتى ماڭىنداعى Lixing حيميا زاۋىتىندا بولدى.

بۇعان دەيىن وقيعا سالدارىنان ەكى ادامنىڭ مەرت بولعاندىعى، 18 ادامنىڭ زارداپ شەككەندىگى تۋرالى ايتىلعان بولاتىن.

زارداپ شەككەندەردىڭ اراسىندا حيميا زاۋىتى ورنالاسقان كەنتتىڭ تۇرعىندارى دا بارى ايتىلدى. اپات اۋىزدىقتالدى. ماماندار وقيعانىڭ ءمان-جايىن تەكسەرۋدە.