سەرىك قوناقبايەۆ 25 جىلدا قازاقستاندىق سپورت قالاي وزگەرگەنىن ايتىپ بەردى - فوتو
دەپ حابارلايدى قازاقپارات.
«تاۋەلسىزدىك جىلدارى ىشىندە قازاق سپورتى كەرەمەت جەتىستىكتەرگە جەتتى. ول كەزدە ءبىز ەگەمەندىك جىلدارى ۇلكەن جەڭىستەرگە قول جەتكىزە الاتىندىعىمىزدى ەلەستەتە دە المايتىنبىز. بۇگىندە ءبىزدىڭ ۇلتتىق وليمپيادا كوميتەتى كوپتەگەن حالىقارالىق جارىستاردى وتكىزىپ كەلەدى. ءبىزدىڭ سپورتشىلارىمىز وليمپيادادان، ازيا ويىندارىنان جىلدان جىلعا كوبىرەك جۇلدەلەر الۋدا. بۇل ءبىزدىڭ ەلباسىمىز نۇرسۇلتان ءابىش ۇلىنىڭ ۇلكەن ۇلەسى دەپ سانايمىن»، - دەدى ول سالتاناتتى كەشتە.
«پرەزيدەنت اتاپ وتكەنىندەي، تەك دەنى ساۋ ءارى مىقتى ۇلت قانا، قازىرگى زامانعى جانە وزىق مەملەكەتتى قۇرادى. سپورت پەن دەنەشىنىقتىرۋ ءبىزدىڭ حالقىمىزدىڭ اجىراماس بولىگىنە اينالۋى ءتيىس. سوندىقتان قازىر جاستار جانە بالالار سپورتىن دامىتۋعا ۇلكەن جۇمىستار جاسالىپ جاتىر. سپورت الاڭدارى، سپورت كلۋبتارى سالىنۋدا. سوندىقتان ءبىز قازىر وسىناۋ ۇلكەن ناتيجەلەرگە قول جەتكىزىپ وتىرمىز»، - دەپ ءتۇيدى ويىن س. قوناقبايەۆ.
ەسكە سالساق، بۇگىن، 17 - ناۋرىزدا ۇلتتىق وليمپيادا كوميتەتىنىڭ 25 جىلدىعىنا ارنالعان سالتاناتتى كەشكە ەلباسى نۇرسۇلتان نازاربايەۆ، استانا اكىمى اسەت يسەكەشيەۆ، ق ر پرەزيدەنتى اكىمشىلىگىنىڭ باسشىسى ادىلبەك جاقسىبەكوۆ، دەپۋتاتتار، شەتەلدىك ديپلوماتتار، سونىمەن قاتار وليمپيادا چەمپيوندارى مەن جۇلدەگەرلەرى - سەرىك ساپيەۆ، ولگا رىپاكوۆا، الەكساندر ۆينوكۋروۆ، يۋريي مەلنيچەنكو، ولگا شيشيگينا، باقتيار ارتايەۆ، ەلدوس سمەتوۆ، جازيرا جاپپارقۇل، گۇزەل مانيۋروۆا، ادىلبەك نيازىمبەتوۆ، داريعا شاكىموۆا، جانسەل دەنيز قاتىستى. كەش بارىسىندا وليمپيادا چەمپيونى ولگا رىپاكوۆا، بوكسشى داريعا شاكىموۆا مەن تايەكۆاندوشى جانسەل دەنيز قازاقتىڭ «دەدىماي- اۋ» ءانىن ورىندادى. سونىمەن قاتار، مەرەيتويلىق شارا بارىسىندا وليمپيادا چەمپيونى الەكساندر ۆينوكۋروۆ «ا- ستۋديو» توبىمەن بىرگە ءان سالدى.
ايتا كەتەيىك، قازاقستان وليمپيزم قوزعالىسىنا رەسمي تۇردە ەنگەلى بەرى ەلىمىزدىڭ سپورتشىلارى 13 وليمپياداعا قاتىسىپ، جالپى سانى 67 مەدال جەڭىپ الدى.
اۆتور: جاسۇلان جولدىبايەۆ
