قىتايداعى قانداستار تاۋەلسىزدىكتىڭ 25 جىلدىعىنا ولەڭ ارنادى
دەپ حابارلايدى قىتايداعى قازاقپاراتتىڭ مەنشىكتى ءتىلشىسى.
جۇمىس بابىمەن قىتايدا 18 جىلدان استام تۇرىپ جاتقان قازاقستان ازاماتى ەلىنە دەگەن ىستىق سەزىمىن وسىلاي ءبىلدىردى:
شيرەك عاسىر كوك بايراق جەلبىرىنە،
قازاقتىڭ تىك تۇتىندىك ەلدىگىنە.
جەبەلەر مەن نايزاسى بابالاردىڭ،
بەلگىسى بوپ دالامنىڭ كەڭدىگىنە.
شيرەك عاسىر ارماننىڭ الاۋىنا،
بابالار باتا بەرگەن قالاۋىنا.
كەلەشەككە ۇمتىلعان باتىر ۇرپاق،
كەزەكپەنەن كەلەر اۋ قاراۋىلعا.
شيرەك عاسىر باتىرلار جىرلانعالى،
جينالعالى ۇلى جۇرت ءجۇز تاڭبالى.
جۇلىمدانعان تاعدىردى جۇباتۋعا،
ەگەمەندىك باقىت كەپ مۇڭىمدى الدى.
شيرەك عاسىر ۇيقىدان ويانعالى،
ويۋلارىم ارلەنە بويالعالى،
تاۋلاردىڭ شىڭىنداعى اۋەنىنىڭ،
سىبدىرى جۇرەگىمدە ايالدادى.
شيرەك عاسىر ءتىلدىڭ دە تىرەۋىنە،
قۇلشىنعان بابالاردىڭ تىلەۋىنە.
جوعالعاندار تابىلدى تاريحتاردان،
كونبەگەن عاسىرلاردىڭ كۇرەۋىنە.
شيرەك عاسىر باتىرلار ارمانىنا،
سول ەرلىكتەر ەل بولىپ جالعانۋدا.
تۇركىنىڭ تۇمەندەرى دۇبىرلەپ تۇر،
وتاۋدىڭ وتى ءسونىپ قالماۋىنا.
ەرەن حالقىم ەلدىگىڭ ەسەلەنسىن،
تاۋەلسىزدىككە تاعدىردى توسەگەنسىن،
عاسىرلارعا جالعانعان جانارىڭنان،
ماڭگىلىك ەل ۇرپاعى وسە بەرسىن!
ەستەرىڭىزگە سالايىق، 2015 -جىلعى جەلتوقساندا امانجول يبراگيموۆ حالىقارالىق تاسىمالداۋ سالاسىنداعى قىسقاشا ورىس- قىتاي سوزدىك- انىقتاماسىن شىعاردى.
