ۆارشاۆادا قازاقستان تاۋەلسىزدىگىنىڭ 25 جىلدىعى قۇرمەتىنە ات بايگەسى ءوتتى

ۆارشاۆاداعى الەمدەگى ءىرى جانە ادەمى «Służewiec» اتشابارىندا ات بايگەسى ءوتتى. قالانىڭ ورتالىعىنداعى اۋدانى 138 گەكتار وسى اۋماق وتباسىمەن تازا اۋادا دەمالاتىن جۇرتشىلىقتىڭ سۇيىكتى ورنى.
«پولشا ۇكىمەتى مەن بيزنەسى دەڭگەيىندە بۇل شاراعا ۇلكەن دەلەگاتسيا قاتىستى. ونىڭ اياسىندا «ەكسپو-2017» جاھاندىق جوباسى كەڭىنەن ناسيحاتتالدى، كورمەگە پولشا دا قاتىساتىن بولادى. سونداي- اق ەكونوميكادا عانا ەمەس، مادەنيەت، ءبىلىم، عىلىم، زەرتتەۋلەر، تۋريزم سالالارىندا ەكى جاقتى ىنتىماقتاستىق پەن بايلانىستارعا باسا كوڭىل ءبولىندى»، - دەدى قازاقپارات تىلشىسىنە ەلشىلىكتىڭ كەڭەسشىسى دەنيس ەسەنتايەۆ.
بايگەگە جەرگىلىكتى سايگۇلىكتەر قاتىستىرىلدى، ولاردىڭ اراسىندا قازاقستاندىقتاردىڭ اتتارى دا بولۋى ىقتيمال ەكەنىن ايتتى دەنيس ەسەنتايەۆ. «ءبىز پولشادان، اتاپ ايتقاندا، ۆارشاۆادان جانە ۆروتسلاۆتان ءباسساۋداعا اتتار ساتىپ الامىز. قازاقستاندىق ساتىپ الۋشىلار مۇندا جىلىنا 100 شاقتى ات ساتىپ الادى»، - دەپ اتاپ ءوتتى ول.