07:58, 23 - اقپان 2016 | GMT +5
تاۋەلسىزدىكتىڭ 25 جىلدىعىنا ارنالعان «شەجىرەلى شىڭعىرلاۋ» اتتى اقىندار ايتىسى ءوتتى - فوتو
ورال. قازاقپارات - شىڭعىرلاۋ اۋدانىندا ق ر تاۋەلسىزدىگىنىڭ 25 جىلدىعىنا ارنالعان «شەجىرەلى شىڭعىرلاۋ» اتتى وبلىستىق اقىندار ايتىسىندا «جايىق پرەسس» ج ش س فيليالى سىرىم اۋداندىق «سىرىم ەلى» گازەتىنىڭ ءتىلشىسى باۋىرجان شيرمەدين ۇلى باس جۇلدەنى جەڭىپ الدى.
باۋىرجان العاشقى اينالىمدا اقجايىق اۋدانىنىڭ اقىنى اينابەك بيسەنعاليەۆپەن ايتىسسا، فينالدا حالىقارالىق، رەسپۋبليكالىق ايتىستاردا توپ جارىپ، بايگە الىپ جۇرگەن بەلگىلى ايتىسكەر جانسايا مۋسينامەن ادەمى ءسوز قاعىستىرا ءبىلدى. بۇل رەتتە باۋىرجاننىڭ ءتىل كوركەمدىگى، ولكە تاريحىن جەتە بىلەتىنى ەسكەرىلدى.
ايتىس قورىتىندىسىندا ج. مۋسينا - ءبىرىنشى، تەرەكتىلىك ەلدار يقسانوۆ - ەكىنشى، ورالدىق تالعات مىقي ءۇشىنشى جۇلدەنى يەلەندى.
اقىنداردى اۋدان اكىمى الديار حالەلوۆ قۇتتىقتاپ، شىڭعىرلاۋ جەرىنە كەلىپ، ەلدىك پەن ەرلىكتى جىرلاپ، قازاق جىرىنىڭ مارتەبەسىن كوتەرگەنى ءۇشىن ريزاشىلىعىن ءبىلدىردى.
ايتا كەتەيىك، وتكەن جىلى دا جاس اقىن ب. شيرمەدين ۇلى وبلىستىق ايتىستا باس جۇلدەنى يەلەنىپ، رەسپۋبليكالىق دودالارعا قوسىلىپ ۇلگەرگەن بولاتىن.
