قازاقستان حالقى ءبىر جىل ىشىندە 257,1 مىڭ ادامعا ءوستى

استانا. قازاقپارات - 2016-جىلى 1- ساۋىردە ەلىمىزدەگى حالىق سانى 17733,2 مىڭ ادامدى قۇرادى، سونىڭ ىشىندە قالالىقتار - 10113,8 مىڭ (57 پايىز)، اۋىلدىقتار - 7619,4 مىڭ ادامدى (43 پايىز) قۇرادى.

2015-جىلعى 1- ساۋىرمەن سالىستىرعاندا حالىق سانى 257,1 مىڭ ادامعا نەمەسە 1,47 پايىز ءوستى. بۇل تۋرالى ق ر ۇ ە م ستاتيستيكا كوميتەتىنەن حابارلادى.

ا ح ا ت ورگاندارى ۇسىنعان ازاماتتىق حال اكتىلەرى جازبالارىنداعى مالىمەتتەردى وڭدەۋ ناتيجەسىندە، 2016-جىلى قاڭتار-ناۋرىزدا تۋىلعاندار سانى 99,4 (2015-جىلعى قاڭتار- ناۋرىزدا - 92,1) مىڭ ادامدى قۇرادى، بۇل 2015-جىلى قاڭتار-اقپانعا قاراعاندا 7,9 پايىز كوپ. تۋۋ كەزەكتىلىگى بويىنشا ءبىرىنشى، ەكىنشى جانە ءۇشىنشى تۋعانداردىڭ ۇلەس سالماعى سايكەسىنشە 31 پايىز (32 پايىز)، 29 پايىز ( 29پايىز) جانە  19 پايىز (18 پايىز) قۇرادى. تۋۋدىڭ جالپى كوەففيتسيەنتى 1000 ادامعا 22,47 (21,31) تۋىلعانداردى قۇرادى.

قاراستىرىلىپ وتىرعان كەزەڭدە قايتىس بولعاندار سانى 34,4 (33,2) مىڭ ادامدى قۇرادى، بۇل 2015-جىلى قاڭتار-ناۋرىزعا قاراعاندا 3,6 پايىز كوپ. ءولىم-ءجىتىمنىڭ جالپى كوەففيتسيەنتى 1000 ادامعا 7,78 (7,70) قايتىس بولعانداردى قۇرادى.

2016 -جىلى قاڭتار-ناۋرىزدا رەسپۋبليكا حالقىنىڭ تابيعي ءوسىمى 2015-جىلى قاڭتار-ناۋرىزبەن سالىستىرعاندا 6,1 مىڭ ادامعا نەمەسە  10,4 پايىز كوبەيىپ، 65,0 (58,9) مىڭ ادامدى قۇرادى. تابيعي ءوسىمنىڭ جالپى كوەففيتسيەنتى 1000 ادامعا شاققاندا 14,69 (13,61) ادامدى قۇرادى.

2016-جىلعى قاڭتار-ناۋرىزدا رەسپۋبليكادا 1 جاسقا دەيىنگى 1033 (847) نارەستە ءولىمى تىركەلدى. 2015-جىلعى قاڭتار-ناۋرىزبەن سالىستىرعاندا 1 جاسقا دەيىنگى شەتىنەگەن نارەستە سانى 22 پايىز كوبەيدى. 2016-جىلعى قاڭتار-ناۋرىزدا نارەستە ءولىم-ءجىتىمىنىڭ كوەففيتسيەتى 1000 تۋعاندارعا شاققاندا 10,39 (9,23) قۇرادى. نارەستە ءولىم-ءجىتىمىنىڭ نەگىزگى سەبەبى - پەريناتالدىق كەزەڭدە پايدا بولاتىن جاعدايلار، بۇدان 2016-جىلعى قاڭتار-ناۋرىزدا 551 (444) نارەستە قايتىس بولىپ، نارەستەلەر اراسىنداعى جالپى ءولىم سانىنىڭ 53,3 پايىز (52,4 پايىز) قۇرادى. تۋا بىتكەن اۋىتقۋلاردان 217 (169) نەمەسە 21 پايىز (20پايىز)، تىنىس ورگاندارى اۋرۋلارىنان - 91 (56) نەمەسە 8,8 پايىز (6,6 پايىز) جانە جازاتايىم جاعدايدان، ۋلانۋدان جانە جاراقاتتان - 39 (42) نەمەسە 3,8 پايىز (5 پايىز) نارەستە قايتىس بولدى.

كوشى-قون پوليتسياسى ورگاندارى ۇسىنعان كەلۋ/كەتۋدى ستاتيستيكالىق ەسەپكە الۋ تالوندارىنداعى مالىمەتتەردى وڭدەۋ ناتيجەسىندە، 2016-جىلعى قاڭتار-ناۋرىزدا ەلىمىزگە تۇرعىلىقتى تۇرۋعا كەلگەندەردىڭ تىركەلۋ سانى (كوشىپ-قونۋشىلار) 2015-جىلعى قاڭتار-ناۋرىزبەن سالىستىرعاندا 26,7 پايىز كەمىپ، 3053 ادامدى قۇرادى. ەلىمىزدەن كەتكەن كوشىپ-قونۋشىلاردىڭ تىركەلۋ سانى  20,3 پايىز كوبەيىپ، 5434 ادامدى قۇرادى، كوشى-قوننىڭ ايىرىمى -2381 ادام بولدى. ەلىمىزدەگى نەگىزگى كوشى-قون الماسۋى ت م د مەملەكەتتەرىمەن بولۋدا. ت م د ەلدەرىنەن كەلگەندەردىڭ جانە سول ەلدەرگە كەتكەندەردىڭ ۇلەسى، تيىسىنشە، 75,2 پايىز جانە 87,7 پايىز قۇرادى. قاراستىرىلىپ وتىرعان كەزەڭدە 2015-جىلى قاڭتار-ناۋرىزبەن سالىستىرعاندا ەل ىشىندە كوشىپ-قونۋشىلار سانى  16,6 پايىز ازايىپ، 97660 ادامدى قۇرادى. ءوڭىرارالىق كوشىپ-قونۋشىلاردىڭ ۇلەسىنە ەلىمىزدىڭ جالپى ىشكى كوشىپ-قونۋشىلار سانىنىڭ 42,5 پايىز تيەسىلى. ءوڭىرارالىق كوشى-قوننىڭ وڭ ايىرىمى الماتى (8586 ادام) قالاسىندا جانە اقمولا (320 ادام)، قوستاناي (318 ادام)، ماڭعىستاۋ (291 ادام)، پاۆلودار (280 ادام)، اتىراۋ (83 ادام) وبلىستارىندا قالىپتاستى.