ءدىني باسقارما اۋرۋحانالارعا 255 وكپە اپپاراتىن سىيلادى
«ءبىز ەل باسىنا كۇن تۋعاندا اسارلاتىپ، جىلۋ جيناپ، قايىرىمىدىلىقتان شەت قالماعان حالىقپىز. قازاقستان مۇسىلماندارى ءدىني باسقارماسىنا قاراستى «زەكەت» قورى «ومىرگە ءۇمىت سىيلا» اكتسياسىن ۇيىمداستىرىپ، جاماعات پەن دەمەۋشىلەر كومەگىمەن 255 دانا وتتەگى جەلدەتكىشىن ەل اۋرۋحانالارىنا جەتكىزىپ بەردى. وعان قوسا، ءدىني باسقارمانىڭ مۇرىندىق بولۋىمەن 200 مىڭنان استام وتباسىعا ازىق- تۇلىك، 42 مىڭنان استام مەديتسينالىق ماسكالار تاراتىلدى. وسى ءىستى جۇزەگە اسىرعان ءدىني قىزمەتكەرلەرگە جانە ولارعا قولداۋ كورسەتكەن كاسىپكەر ازاماتتارعا اللا رازى بولسىن، امالدارى ساۋاپتى بولسىن دەگىم كەلەدى»، - دەدى باس ءمۇفتي ورتالىق كوممۋنيكاتسيالار قىزمەتىندە.
سونىمەن بىرگە، ەلىمىزدە ت ج جاريالانعان ساتتەن باستاپ، يمامدار مەن ءدىني عالىمدار الەۋمەتتىك جەلىلەردە كۇنىنە ءۇش رەت ۋاعىز ايتىپ، حالىق سۇراقتارىنا جاۋاپ بەرىپ، ءتۇسىندىرۋ جۇمىستارىن جۇرگىزىپ كەلەدى. بۇعان دەيىن ق م د ب ءتوراعاسى ساتپايەۆ قالاسىنداعى وقيعاعا قاتىستى پىكىر ءبىلدىردى جانە قاشىقتان قۇربان شالۋ جۇيەسىنىڭ قالاي جۇمىس ىستەيتىنىن ءتۇسىندىردى. 31-شىلدە كۇنى قازاقستان مەشىتتەرىندە قۇربان ايت نامازى وقىلمايدى.
