دارىگەر كوروناۆيرۋس جۇقتىرۋ قاۋپىن 250 پايىزعا ارتتىراتىن فاكتوردى اتادى

نۇر-سۇلتان. قازاقپارات - م. ۆ. لومونوسوۆ اتىنداعى ۇيقى مەديتسيناسى ورتالىعىنىڭ جەتەكشىسى، مەديتسينا عىلىمدارىنىڭ كانديداتى الەكساندر كالينكين «گوۆوريت موسكۆا» راديوستانسياسىنىڭ ەفيرىندە كوروناۆيرۋس جۇقتىرۋ قاۋپىن ارتتىراتىن فاكتوردى اتادى.

ول ۇيقى جەتكىلىكسىزدىگى بار ادامداردىڭ كوروناۆيرۋس جۇقتىرىپ الۋ ىقتيمالدىعى 250 پايىزعا جوعارى ەكەنىن ايتتى، - دەپ حابارلايدى Tengrinews.kz ءتىلشىسى.

ونىڭ ايتۋىنشا، ۇيقىنىڭ جەتكىلىكسىز بولۋى ادامنىڭ يممۋندىق جۇيەسىنە كەرى اسەر ەتەدى.

«ۇيقى جانە يممۋنيتەت ءىس جۇزىندە سينونيم. ۇيقىنىڭ ازايۋىمەن يممۋنيتەت كۇرت تومەندەيدى جانە ەگەر ادام بەس ساعاتتان از ۇيىقتاسا، ول ادامدا جەتى ساعاتتان ارتىق ۇيىقتايتىندارمەن سالىستىرعاندا كەز كەلگەن ۆيرۋستىق ينفەكسيانى جۇقتىرۋ ىقتيمالدىعى 250 پايىزدان اسادى. ۇيقى وتە ماڭىزدى، ول ءبىزدىڭ يممۋنيتەتىمىزدى قامتاماسىز ەتەدى»، - دەپ ءتۇسىندىردى كالينكين.

دارىگەر ۇيقىنىڭ ساپاسىن جاقسارتۋ ءۇشىن ءبىر ۋاقىتتا تۇرىپ جانە ءبىر ۋاقىتتا جاتۋعا كەڭەس بەرەدى.