قىتايدا 250 ادام سىياتىن اۆتوبۋس جاسالدى
بۇل الىپ اۆتوبۋستىڭ ءوندىرۋشىسى قىتايلىق BYD (Build Your Dreams) كومپانياسى بولىپ تابىلادى. كومپانيا وكىلدەرىنىڭ ايتۋى بويىنشا، بۇل الەمدەگى ەڭ ۇلكەن ەلەكترلى اۆتوبۋس بولىپ تابىلادى. ۇزىندىعى 26,8 مەتر.
ءبىر مەزەتتە 250 جولاۋشىعا دەيىن سىيعىزا الادى. الايدا قانشاما ادامنىڭ ءمىنىپ-ءتۇسۋى وڭايعا سوقپايدى. سول سەبەپتى، قالا بويىنشا اۆتوبۋستىڭ ءجۇرۋ ۋاقىتى تىم ۇزاق بولاتىن شىعار.
ءۇش بولىكتەن قۇرالعان اۆتوبۋس70 ك م/ساع دەيىن جىلدامدىعىن ارتتىرا الادى جانە ءبىر زاريادپەن 300 شاقىرىمعا دەيىن جۇرە الادى. بۇل اۆتوبۋس ارنايى كولۋمبيا مەملەكەتىنىڭ تاپسىرىسى بويىنشا جاسالعان. جاقىن ۋاقىتتا كولۋمبيا استاناسى بوگوتا قالاسىنداعى Trans Milenio (BRT) كولىكتىك جۇيەسىنە قوسىلادى.
ءوندىرۋشىنىڭ ايتۋى بويىنشا ەلەكترواۆتوبۋستار ەلەكتروكولىكتەرگە قاراعاندا ەكولوگياعا الدەقايدا كوپ اسەر ەتەدى.
