كوكشەتاۋدا سوعىس ارداگەرلەرىنە 250 مىڭ تەڭگە كولەمىندە جاردەماقى بەرىلەدى

كوكشەتاۋ. قازاقپارات - كوكشەتاۋدا 9- مامىر مەرەكەسىندە ارداگەرلەرگە 250 مىڭ تەڭگە كولەمىندە جاردەماقى بەرىلەدى، دەپ حابارلايدى قازاقپارات ءتىلشىسى وڭىرلىك كوممۋنيكاتسيالار قىزمەتىنە سىلتەمە جاساپ.

اعىمداعى جىلى ۇ و س ارداگەرلەرىنە بەرىلەتىن ءبىر رەتتىك جاردەماقى كولەمى ءوسىپ وتىر. مايداندا قاتىسقان 24 ارداگەر 250 مىڭ تەڭگە كولەمىندە جاردەماقى الدى. سونىمەن قاتار، لەنينگراد قورشاۋىندا بولعان تۇرعىندار، كونتسلاگەر تۇتقىندارى، مايداندا قازا تاپقان جاۋىنگەرلەردىڭ جۇبايلارى دا ەسكەرۋسىز قالمايدى. ولارعا ءبىر رەتتىك بەرىلەتىن جاردەماقىنىڭ جالپى كولەمى 93 مىڭ تەڭگەنى قۇراپ وتىر.

كوكشەتاۋ قالاسىندا تۇراتىن 1814 تىل ەڭبەككەرىنىڭ ىشىندەگى ماراپاتتالعان 97 ءسىنىڭ ەسەپشوتىنا 20 مىڭ تەڭگەدەن، ال قالعاندارىنا 10 مىڭ تەڭگەدەن اۋدارىلدى.

ەسكە سالا كەتسەك، 9- مامىر - جەڭىس كۇنىنە وراي اقتوبەلىك سوعىس ارداگەرلەرىنە 300 مىڭ تەڭگەدەن بەرىلەدى، ال ەلوردالىق ارداگەرلەر 511 مىڭ تەڭگە كولەمىندە الەۋمەتتىك كومەككە يە بولادى.