09:32, 21 - جەلتوقسان 2014 | GMT +5
الەمدەگى تەڭىزدەردىڭ بەتىندە 250 مىڭ توننا قالدىق قالقىپ ءجۇر
استانا. قازاقپارات - بريتانيانىڭ جاراتىلىس تانۋ مۋزەيى جانە پليمۋت ۋنيۆەرسيتەتى ماماندارىنىڭ زەرتتەۋلەرى بويىنشا، مۇحيت تۇبىندە دە پلاستيك قالدىقتارى بار، دەپ جازادى meddaily.ru.
سونداي-اق، Svopi پورتالىنىڭ جازۋىنشا، پلاستيك قالدىقتارىنىڭ سۋ بەتىندە قالقىپ ءجۇرۋى جاھاندىق ماسەلەگە اينالىپ وتىر. عالىمداردىڭ ايتۋىنشا، الەمدەگى تەڭىزدەردىڭ بەتىندە شامامەن 250 مىڭ تونناعا جۋىق قالدىق قالقىپ ءجۇر.
بۇعان دەيىن ماماندار پلاستيك قالدىقتاردى اڭ-قۇستار مەن ءتۇرلى ميكرو اعزالار تۇتىنىپ، جوق بولىپ كەتەدى دەگەن بولجام جاساعان. ەندى كەرىسىنشە، ولاردىڭ تەڭىز تۇبىنە تۇنىپ، تەرەڭدەگى ەكوجۇيەنى بۇزۋى مۇمكىن ەكەندىگى انىقتالدى.
