اسكەري توڭكەرىس ارەكەتى كەزىندە قازاقستاننىڭ 2500 گە جۋىق ازاماتى تۇركيادا بولعان

استانا. قازاقپارات - بۇگىن- ەرتەڭ تۇركيادان قازاقستان رەسپۋبليكاسىنىڭ 2500 گە جۋىق ازاماتى ەلگە ۇشىپ كەلۋ ۋاقىتىن كۇتەدى.

بۇل تۋرالى بۇگىن تۇركيا مەن قازاقستان اراسىنداعى اۋە تاسىمالىنا قاتىستى جۋرناليستەرگە شۇعىل بريفينگ وتكىزگەن ق ر ينۆەستيتسيالار جانە دامۋ ۆيتسە-ءمينيسترى بەرىك قاماليەۆ ءمالىم ەتتى.

«قازىر ەلىمىزدىڭ سىرتقى ىستەر مينيسترلىگىمەن، تۇركيانىڭ اۋە تاسىمال سالاسىنداعى بيلىگىمەن بايلانىسىپ تۇرمىز. تۇركيادا جۇرگەن وتانداستارىمىزعا قاتىستى ايتار بولسام، ءبىزدىڭ كونسۋلدىقتار ءتيىستى جۇمىس اتقارىپ جاتىر، شۇعىل حابارلاسۋ جەلىسى ىسكە قوسىلدى. ەگەر اۋەجايلاردىڭ جۇمىسى قالپىنا كەلسە، ول جاقتاعى ازاماتتار وزدەرىنىڭ رەيستەرىمەن امان-ەسەن ەلگە ورالادى دەپ سەنەمىن. قازىر شامامەن 2500 ادام سول جاقتا، وسى 2500 ادام بۇگىن- ەرتەڭ ەلگە ۇشىپ كەلۋى كەرەك»، - دەپ حابارلادى ب. قاماليەۆ.

ەستەرىڭىزگە سالا كەتەيىك، تۇركيا بيلىگى جۇما كۇنى كەشكە ەلدە اسكەري توڭكەرىس جاساۋ ارەكەتى بولعاندىعىن حابارلاعان بولاتىن. ەل پرەزيدەنتى ەردوعان بۇنى شاعىن بۇلىكشىل توپ ۇيىمداستىرىپ وتىرعانىن ايتىپ، حالىقتى بۇلىكشىلەرگە قارسىلىق كورسەتۋگە شاقىردى. سوڭعى مالىمەتتەر بويىنشا وقيعا سالدارىنان كەم دەگەندە 60 ادام قازا تاپقان.

تۇركياداعى ق ر ەلشىلىگىنىڭ مالىمەتىنشە، كۋرورتتى قالالارداعى جاعداي تۇراقتى، ايتسە دە دەمالۋشى قازاقستاندىقتارعا قوناقۇيدەن شىقپاۋعا كەڭەس بەرىلدى.

ق ر سىرتقى ىستەر مينيسترلىگى حابارلاعانداي، تۇركياداعى قازاقستاندىقتار ءۇشىن جەدەل جەلى تەلەفوندارى جۇمىس جاساۋدا.

قوسىمشا سۇراقتار تۋىنداعان جاعدايلاردا قازاقستاننىڭ تۇركياداعى ديپلوماتيالىق جانە كونسۋلدىق مەكەمەلەرىندە اشىلعان «جەدەل تەلەفون جەلىسىنە» حابارلاسۋعا بولادى:

- ق ر ەلشىلىگى (انكارا ق. ): 905336006092+،

- ق ر باس كونسۋلدىعى (ىستانبۇل ق. ): 905424712211+،

 - ق ر كونسۋلدىعى (انتاليا ق. ): 905354183532+.

اۆتور: كەنجەكەي توقتامۇرات قىزى