مۇعالىم مەن دارىگەردىڭ ايلىعىن جىل سايىن 25-30 پايىزعا كوتەرۋ ارقىلى ەكى ەسە وسىردىك - ۇكىمەت
«ادامدار - ينفراقۇرىلىمعا» قاعيداتىن بەكىتە وتىرىپ قازاقستان رەسپۋبليكاسىنىڭ 2025-جىلعا دەيىنگى اۋماقتىق دامۋ جوسپارى ىسكە اسىپ جاتىر. وسى قاعيداعا سايكەس ءبىز اۋىلدارداعى، مونو جانە شاعىن قالالارداعى ينفراقۇرىلىم دەڭگەيىن بازالىق ستاندارتتارعا جەتكىزەتىن بولامىز. ارالاس سايلاۋ جۇيەسىنە كوشتىك. قازاقستاندا ادام قۇقىقتارىن قورعاۋ سالاسىندا ءولىم جازاسى ءبىرجولا جويىلدى»، - دەپ اتاپ ءوتتى ۇكىمەت باسشىسى.
ونىڭ ايتۋىنشا، وڭىرلەرمەن بىرلەسىپ، حالىقتىڭ تابىسىن ارتتىرۋ باعدارلاماسى شەڭبەرىندە جۇمىسپەن قامتۋدىڭ كەشەندى جوسپارى ىسكە اسىپ جاتىر.
قازىرگى ۋاقىتتا جاڭا، بوس جانە مەملەكەت سۋبسيديالايتىن جۇمىس ورىندارىنا 600 مىڭنان استام ادام جۇمىسقا ورنالاستى. ولاردىڭ جارتىسى - جاستار.
پرەزيدەنتتىڭ جاستاردى جانە حالىقتىڭ الەۋمەتتىك وسال توپتارىن جۇمىسپەن قامتۋ ماسەلەلەرى تۋرالى تاپسىرمالارى ەرەكشە ورىن الادى.
جاستاردىڭ جاس شاماسى 29 دان 35 جاسقا دەيىن ۇلعايتىلدى. ناتيجەسىندە 5,7 ميلليون ادام مەملەكەتتىك قولداۋ شارالارىنا قول جەتكىزە الادى.
بيىل ولاردىڭ 9 مىڭعا جۋىعى، سونىڭ ىشىندە الەۋمەتتىك وسال توپتارداعى جاستار، %2,5 پەن جەڭىلدىكتى كرەديت، وتەۋسىز گرانت الىپ، ءوز ءىسىن اشتى.
«1,2 ميلليون ازاماتتىق قىزمەتكەردىڭ جالاقىسىن 2 ەسەگە ارتتىرۋ مىندەتى قويىلدى. سوندىقتان ءبىز جىل سايىن مۇعالىمدەردىڭ جالاقىسىن %25 كە، دارىگەرلەردىڭ جالاقىسىن %30 كە، ورتا مەديتسينالىق پەرسونالدىڭ جانە باسقا ساناتتاعى جۇمىسكەرلەردىڭ جالاقىسىن %20 كە ارتتىرىپ كەلەمىز. شامامەن 2 مىڭنان استام كاسىپورىنمەن جۇمىس جۇرگىزىلدى. ناتيجەسى بويىنشا جۇمىس بەرۋشىلەر 1 ميلليوننان استام جۇمىسشىلاردىڭ جالاقىسىن %10 تەن %50 كە دەيىن ارتتىردى» - دەدى ول.
