دەمالىستا ەلدىڭ وڭتۇستىگىندە كۇن 24 گرادۋسقا دەيىن جىلىنادى

استانا. قازاقپارات - قازگيدومەت الداعى دەمالىس كۇندەردەگى اۋا رايى بولجامىن جاريالادى، دەپ حابارلايدى قازاقپارات.

دەمالىس كۇندەرى قازاقستاننىڭ باسىم بولىگىندە بۇلتتى اۋا رايى بولىپ، سولتۇستىك-باتىس سيكلونىمەن بايلانىستى بولاتىن بەلسەندى فرونتالدى بولىمدەرى اسەر ەتەدى. سيكلون باتىستان شىعىسقا قاراي جىلجي باستاعاندىقتان جاڭبىر مەن قار جاۋىپ، كوكتايعاق بولادى، ەكپىندى جەل، سولتۇستىك ايماقتاردا بۇرقاسىن بولجانادى.

رەسپۋبليكانىڭ وڭتۇستىك بولىگىندە جاڭبىر جاۋىپ، نايزاعاي جارقىلدايدى. ەلىمىزدىڭ باتىسىندا اۋا تەمپەراتۋراسى تۇندە 0-10 گرادۋس سۋىق، كۇندىز 0-11 گرادۋس جىلى بولادى. وڭتۇستىك-باتىستا كۇندىز 7-15 گرادۋس جىلى اۋا رايى ساقتالادى. ال سولتۇستىك-باتىس، سولتۇستىكتە تۇندە 5-15 گرادۋس، ال كۇندىز 8 گرادۋسقا دەيىن اياز ساقتالادى. ەلدىڭ ورتالىق جانە شىعىسىندا 12 گرادۋسقا دەيىن اياز بولادى. وڭتۇستىك، وڭتۇستىك- شىعىستا كۇن 15-24 گرادۋسقا دەيىن جىلىنادى.