قازاقستاندا مەكتەپ مۇعالىمدەرىنىڭ 24 پايىزى عانا - ەرلەر
«TALIS - 2018» حالىقارالىق زەرتتەۋ ناتيجەسىنە سايكەس قازاقستاندا ەكونوميكالىق ىنتىماقتاستىق جانە دامۋ ۇيىمىنا مۇشە ەلدەرمەن سالىستىرعاندا ايەل ۇستازداردىڭ ۇلەسى باسىم - %76. باسقا ەلدەرمەن سالىستىرساق، لاتۆيادا ايەل مۇعالىمدەردىڭ ۇلەسى - %89، ليتۆادا - %85 ال گرۋزيادا - %83 قۇرايدى»، - دەگەن جاۋاپ بەردى وقۋ-اعارتۋ مينيسترلىگى قازاقپارات ساۋالىنا.
سونداي-اق، مينيسترلىك مەكتەپ مۇعالىمى مەن بالاباقشا تاربيەشىسى ماماندىعىنا ەر ادامداردى كوپتەپ تارتۋعا قاتىستى تۇسىنىكتەمە بەردى.
«قازاقستان رەسپۋبليكاسى كونستيتۋتسياسىنىڭ 14-بابىنىڭ 2-تارماعىنا سايكەس تەگىنە، الەۋمەتتىك، لاۋازىمدىق جانە مۇلىكتىك جاعدايىنا، جىنىسىنا، ناسىلىنە، ۇلتىنا، تىلىنە، دىنگە كوزقاراسىنا، نانىمىنا، تۇرعىلىقتى جەرىنە بايلانىستى نەمەسە وزگە جاعداياتتار بويىنشا ەشكىمدى كەمسىتۋگە بولمايدى. وسىلايشا زاڭ اياسىندا ەرلەر مەن ايەلدەردىڭ ءبىلىم الۋى مەن ەڭبەك ەتۋ قولجەتىمدىلىگى تەڭدەي قامتاماسىز ەتىلگەن. سونىمەن قاتار پەداگوگيكالىق ماماندىقتارعا ءتۇسۋ ءۇشىن ەر ازاماتتارعا جەڭىلدىك جاساپ، كۆوتا ءبولۋ قىز بالالاردىڭ جوعارى ءبىلىم الۋعا قولجەتىمدىلىگىن شەكتەيدى»، - دەيدى ۆەدومستۆودان.
بۇعان دەيىن حابارلاعانىمىزداي، ەلىمىزدىڭ بالاباقشالارىندا 3 مىڭعا جۋىق ەر تاربيەشى جۇمىس ىستەيدى.
مينيسترلىك مالىمەتىنە سايكەس قازاقستاندا ۇستازدىق ەتەتىن ەر ادامدار ۇلەسى جىل ساناپ ارتىپ كەلەدى.
اتاپ ايتقاندا، مەكتەپتەردە 68 مىڭنان استام ەر مۇعالىم، ال بالاباقشالاردا 2700 دەن استام تاربيەشى- پەداگوگ بار.
