ەلوردادا جىلىنا 24 مىڭ توننا ەت وڭدەيتىن كەشەن سالىنادى
ءىرى اۋقىمداعى جوبا ازىق-تۇلىك بەلدەۋىن كۇشەيتە تۇسۋگە، سونداي-اق، قازاقستاننىڭ مال شارۋاشىلىعى سالاسىنىڭ ەكسپورتتىق الەۋەتىن كەڭەيتۋگە مۇمكىندىك بەرەدى، دەپ حابارلايدى ەلوردا اكىمدىگىنىڭ رەسمي سايتى.
استانادا ينۆەستيتسيانى مەملەكەتتىك قولداۋ شەڭبەرىندە «استانا قالاسى جوعارى تەحنولوگيالىق ەت وڭدەيتىن كەشەننىڭ تولىق تسيكلى» ينۆەستيتسيالىق جوباسىن ىسكە اسىرۋ ءۇشىن ەلوردا تاريحىندا العاش رەت جەر ۋچاسكەسى تۇرىندەگى مەملەكەتتىك تابيعي گرانتتى ۇسىنۋعا قاتىستى العاشقى ينۆەستيتسيالىق كەلىسىم-شارت بەكىتىلدى.
جالپى جوبا شەڭبەرىندە 80 نەن استام جۇمىس ورنىن قۇرۋ جوسپارلانعان. جوبانىڭ بولجامدىق قۇنى 3,6 ميلليارد تەڭگە؛ وندىرىستىك قۋاتتىلىعى جىلىنا 24 مىڭ توننا ەت جانە ەت ونىمدەرىن قۇرايدى.
جوبا شەڭبەرىندە ءوندىرىستىڭ تولىق تسيكلىن ۇيىمداستىرۋ جوسپارلانۋدا - سويۋدان باستاپ دايىن ونىمگە دەيىن: ەت دەليكاتەستەرى (قازى، شۇجىق، كاربوناد، فيلە، تاۋىق ەتى، كەسىندىلەر، ءتوس ەتى جانە باسقا.)؛ ستەيكتەر (Tenderloin steak, Rib eye roll steak, Striploinsteak, Top blade steak, Flank steak, Machete steak, Trytipsteak, Hanger steak, Topside steak جانە باسقاسى.)؛ شۇجىق ونىمدەرى (سۇرلەنگەن، جارتىلاي سۇرلەنگەن، شيكىدەي سۇرلەنگەن، ىستالعان-پىسىرىلگەن، پىسىرىلگەن شۇجىق، سوسيسكا جانە ساردەلكي جانە باسقاسى.)؛ كونسەرۆىدە جاسالعاندار («انگۋس» بۇقتىرىلعان ەتى»، «قاراقۇمىق قوسىپ بۇقتىرىلعان سيىر ەتى»، «تۋريستىڭ تاڭعى اسى»، «كۇرىش قوسىلعان سيىر ەتى»، «بۇقتىرىلعان جىلقى ەتى» جانە باسقاسى.)؛ جارتىلاي فابريكاتتار (كوتلەت، گامبۋرگەر، تۇشپارانىڭ 7 ءتۇرى، تەفتەل، گولۋبتسى، پانيروۆكاداعى تاۋىق قاناتتارى، ۆارەنيكتەر جانە باسقاسى.).
وندىرىستە ەۋروپانىڭ جەتەكشى وندىرىستەرىنىڭ جوعارى تەحنولوگيالىق زاماناۋي قۇرال-جابدىقتارى پايدالانىلادى.
اتاپ ايتقاندا، بۇل «BANSSAustria» (اۆستريا) - سويۋ جەلىسى، ءىرى قارا مال، قوي، جىلقى جانە باسقاسى د ر.، «Germany Freund» (گەرمانيا) - مال سويۋعا ارنالعان قۇرال- جابدىق جانە ەتتى سۇيەگىنەن اجىراتاتىن سەح جانە پرەميۋم كلاستى ەت ونىمدەرى، «ROSERGROUP» - «OgalsaSpain» ەت دەليكاتەسىن ءوندىرۋ، «Maschinenfabrik Seydelmann KG» (گەرمانيا) - ەۆروپالىق وزىق وندىرۋشىلەردىڭ ماشيناسى جانە ەت ونىمدەرىن وڭدەۋگە ارنالعان قۇرىلعى.