ءبىر تاۋلىكتەن استام بيىكتىگى 24 مەترلىك اعاشتىڭ باسىندا وتىرعان جىگىت جەرگە ءتۇستى

استانا. قازاقپارات - امەريكالىق سيەتل قالاسىندا ءبىر تاۋلىكتەن استام ۋاقىت بويى بيىكتىگى 24 مەترلىك اعاشتىڭ باسىندا وتىرعان جىگىت جەرگە ءتۇستى، دەپ جازدى New York Times گازەتى.

بۇل وقيعا سەيسەنبىدە تاڭەرتەڭ باستالدى. بۇل كۇنى ساقالى وسكەن، كيىمى البا-جۇلبا بولعان جىگىت قالانىڭ ورتالىق اۋدانىندا ءوسىپ تۇرعان اعاشتىڭ باسىنا شىققان. باسىلىم اقپاراتىنشا، ول وزىمەن جىلى كيىم مەن تاماق العان. جول-جونەكەي وتكەندەردىڭ ءبىرى جىگىتتى كورىپ، قۇتقارۋ قىزمەتىنە حابار بەرەدى. كەيىن وقيعا ورنىنا پوليتسيا كەلىپ جەتتى.

جىگىت اعاشتان تۇسكەن سوڭ، ونى مەديتسينالىق تەكسەرۋدەن وتكىزۋ ءۇشىن جەدەل جاردەم كولىگىمەن الىپ كەتتى. پوليتسيا جىگىتتىڭ كىم ەكەنىن انىقتادى، الايدا مالىمەتتەردى جاريالاماي وتىر.