ەۋروپا قازاقتارىنىڭ لەبىزى: قازاقستان 24 جىلدىڭ ىشىندە حالىقارالىق دەڭگەيدە ابىرويى اسقان ەلگە اينالدى - ا. كەسىجى
ول ءوز حاتىندا قازاقستاننىڭ 24 -جىلدىڭ ىشىندە حالىقارالى دەڭگەيدە ابىرويى اسقان ەلگە اينالعاندىعىن زور ماقتانىشپەن اتاپ وتكەن.
«ۇلتىمىزدىڭ ۇلىق مەرەكەسى - قازاقستان تاۋەلسىزدىگىنىڭ 24 جىلدىعى قۇتتى بولسىن! - دەپ باستاعان ءوز حاتىن ا. كەسىجى، - اتا- بابالاردىڭ سان عاسىرلار بويى اڭساعان ارمانى، اسقاق مۇراتى - قازاعىمىزدىڭ بوستاندىعى باياندى بولىپ، ۇلتىمىزدىڭ مارتەبەسى ارتا بەرسىن!
مەملەكەتتىڭ ومىرىندە قاس قاعىمداي-اق قىسقا مەزگىل سانالاتىن 24 جىلدىڭ ىشىندە قازاقستاننىڭ اتاق- داڭقى الەم بويىنشا ارتىپ، حالىقارالىق دەڭگەيدە ابىرويى اسقان ەلدەردىڭ بىرىنە اينالدى. ءتىپتى ول، ەۋروپانىڭ قاۋىپسىزدىگى مەن ىنتىماقتاستىعى ۇيىمى جانە يسلام كونفەرەنتسياسى سياقتى حالىقارالىق دەڭگەيدەگى بەدەلدى ۇيىمدارعا دا باسشىلىق جاسادى. بۇعان قوسا، قازاقستان تاۋەلسىز مەملەكەت رەتىندە ەكونوميكالىق- ساياسي دامۋ جولىنا ءتۇسىپ، ۇلكەن بەلەستەردى باعىندىردى جانە وزىنە الەمنىڭ ەڭ دامىعان 30 ەلىنىڭ قاتارىندا ورىن الۋدى ماقسات ەتىپ قويدى. مۇنىڭ ءبارى ەلباسى نۇرسۇلتان نازاربايەۆتىڭ كورەگەن ساياساتىنىڭ ارقاسى دەپ بىلەمىز. پرەزيدەنت نازاربايەۆتىڭ جەتەكشىلىگىندە قازاقستاننىڭ قارقىندى تۇردە دامي بەرەتىندىگىنە جانە العا قويعان ماقساتتارىنا دا جەتەتىندىگىنە سەنىمىمىز مول.
شەتتەگى قازاقتاردىڭ ەلدەگى قازاققا ايتار تىلەگى - قازاقتىڭ باسىنداعى باق- ابىرويى اسقاقتاي ءتۇسىپ، تاۋەلسىزدىگىمىزدىڭ نىشانى - كوك تۋىمىز ماڭگىگە جەلبىرەي بەرسىن!» دەپ جازعان.
حات: «جاساسىن تاۋەلسىز قازاقستان!» دەگەن ۇرانمەن اياقتالادى.
اۆتور: جاپپاربەرگەن ايبوتا
