12:24, 30 - شىلدە 2014 | GMT +5
رامازان ايتىنا وراي ۇيىمداستىرىلعان كونسەرت كەزىندە ءنوپىر استىندا قالعان 24 ادام مەرت بولدى
استانا. قازاقپارات - قاسيەتتى رامازان ايىنىڭ اياقتالۋىنا وراي ۇيىمداستىرىلعان گۆينەيالىق تانىمال رەپ-توپتىڭ كونسەرتى ادامداردىڭ قىسپاقتا قالۋىمەن اياقتالدى، دەپ جازادى شەتەلدىك ب ا ق.
تاراتىلعان اقپاراتقا قاراعاندا، وقيعا سالدارىنان 24 ادام قازا تاپسا، مىڭداعان ادام ءتۇرلى دەنە جاراقاتىن العان.
كونسەرت گۆينەيا استاناسى كوناكريدەگى جاعاجايدا ۇيىمداستىرىلعان.
ازىرشە، وقيعانىڭ بۇلاي وربۋىنە نە تۇرتكى بولعاندىعى بەلگىسىز.
گۆينەيا بيلىگى ءبىر اپتالىق ازالى كۇنىن جاريالادى جانە مادەني ءىس-شارانى ۇيىمداستىرۋعا جاۋاپتى ۆەدومستۆونىڭ باسشىسىن قىزمەتىنەن قۋدى.
اۆتور: مارلان جيەمباي
