ءبىر ادامنىڭ ىشىندە - 24 تۇلعا ءومىر سۇرگەن - فوتو

استانا. قازاقپارات - ءدال سولاي دوستار، بۇل جايلى تالاي ماقالالار جازىلىپ، كوپتەگەن دەرەكتى فيلمدەر تۇسىرىلگەن بولاتىن. ءبىر قاراعاندا وتىرىك سياقتى، ءبىراق الەمدىك پسيحولوگتار بۇنداي قۇبىلىستار بولىپ تۇرادى دەيدى. اڭگىمەنى ارىدەن باستايىن.

ۋيلم ستەنلي ميلليگان - بۇل ەسىم پسيحولوگياعا بايلانىستى بارلىق كىتاپتار مەن وقۋلىقتاردا كەزدەسەدى. 1955 - جىلى مايامي-بيچتە تۋىلعان.

 

بۇل جىگىتتىڭ ىشىندە 24 تۇلعا ءومىر سۇرەدى ەكەن جانە ولار ءبىر-بىرىنەن جاستارى بويىنشا، مىنەزدەرى بويىنشا ءار ءتۇرلى ادامدار. ونىڭ تۋىستارى ونىمەن سويلەسكەندە باسقا ءبىر ادامدارمەن سويلەسىپ تۇرعانداي بولاتىن ەدىك دەيدى.

1970 - جىلى توناۋ جانە كىسى زورلاۋ قىلمىسى بويىنشا قولعا تۇسكەن بولاتىن. بۇل كەزدە 15 جاستا. سوتتا ونىڭ ادۆوكاتى بۇل ءىستى ميلليگاننىڭ رۇحساتىنسىز باسقا ىشىندە جۇرگەن 2-3 ادام جاساعان دەگەندە سوت زالىندا وتىرعاندار ءدۇر سىلكىنىپتى. ءسويتىپ ونى جان جاقتى تەكسەرۋگە جىبەرەدى، تەكسەرۋدە ونىڭ ىشىندە 24 تۇلعانىڭ بارلىعى انىقتالعان. پسيحولوگتار كۇندىز-ءتۇنى ونىمەن وتكىزگەن ءاربىر سەانس كەزىندە تۇلعالاردىڭ اتى-جوندەرى، نەمەن اينالىساتىنىن ءبارىن-ءبارىن انىقتاعان ەكەن.

سونىمەن كەيبىر تۇلعالارىنا تانىسىپ كورەيىك. وقىپ وتىرىپ تاڭ قالاسىز.

1- تۇلعا - 26 جاسار بيللي، سالماعى - 86 كەلى، بويى- 183 سانتيمەتر. كوك كوزدى، كوڭىر شاشتى. ونىڭ ءومىر سۇرگىسى كەلمەيدى ەكەن. ءوز وزىنە 10 جاسىندا قول سالعان، ءبىراق ىشىندە جۇرگەن باسقا تۇلعالاردىڭ كومەگىمەن امان قالعان. مەكتەپ بىتىرمەگەن.

2- تۇلعا - 18 جاسار اللەن، اللەن ناعىز سوزگە شەشەن وراتور، وزگە تۇلعالار ونىڭ كومەگىنە وتە كوپ جۇگىنەدى ەكەن. سەبەبى ول كەز كەلگەن جاعدايدان وڭاي قۇتىلىپ كەتە الادى. ناعىز الاياقتىڭ ءوزى. سۋرەت، پورترەت سالعاندى، باراباندا ويناعاندى ۇناتادى. بارلىق تۇلعالاردىڭ ىشىندەگى وڭ قولىمەن جازۋ جازعان جانە تەمەكى تارتقان جالعىز ءوزى.

3- تۇلعا - 3 جاسار كريستين. پسيحولوگتار بۇل بالانى بۇرىشتاعى بالا دەپ اتاپ كەتكەن، سەبەبى ول ۇيدە بولسىن، مەكتەپتە بولسىن بۇرىشتا كوپ تۇرادى. وقىپ جانە جازىپ بىلەدى. كوك كوزدى، اق شاشتى. سۋرەتتەردى بوياعاندى ۇناتادى.

4- تۇلعا -  16جاسار توممي. ەشكىمنىڭ كومەگىنسىز ەلەكتريكانى ۇيرەنىپ العان، وپ-وڭاي كەز كەلگەن قۇلىپتى اشا الادى. ساۋساقتارى وتە جۇمساق، سوندىقتان ول كىسەندەردەن وڭاي قۇتىلا الادى. تابيعات كورىنىستەرىن سالعاندى ۇناتادى. ساكسافوندا شەبەر وينايدى. كوپ سويلەمەيتىن قاتەگەز ادام.

5- تۇلعا -  22 جاسار ارتۋر. اعىلشىن ۇلتىنىڭ ازاماتى. اعىلشىنشا سويلەيدى. اقىلدى، ءبىلىمدى جانە ءساندى كيىنگەن ادەمى جىگىت. بوس ۋاقىتى بولسا كىتاپحانادا وتكىزگىسى كەلەدى. مەديتسينا سالاسىن جاقسى بىلەدى جانە ارابشا سويلەي الادى. باسقادا تۇلعالاردىڭ بار ەكەنىن وسى ارتۋر انىقتاعان جانە ءبارىن ايتىپ بەرگەن وسى ەكەن.

6- تۇلعا -  19 جاسار ادالانا. ءوزى قىز بولا تۇرا قىزداردى جاقسى كورەدى. ءۇي شارۋاسىنا جاقسى، تاماق پىسىرگەندى ۇناتادى. وتە ۇيالشاق. پوەزيامەن اينالىسادى، ولەڭدەر شىعارادى. ۇزىن قارا شاشتى.

7- تۇلعا -  كريستيننىڭ اعاسى 13 جاسار كريستوفەر. اقىلدى، وجەت بالا، ايتقانىڭدى ەكى ەتپەيدى.

8- تۇلعا - 23 جاسار رەيدجەن ۆاداسكوۆينيچ. اعىلشىن تىلىندە سويلەيدى. سەربحورۆات ءتىلىن بىلەدى. قولدارى وتە قاتتى. قارا شاشتى، مۇرتتى جىگىت. دالتونيك، سۋرەتتى تەك قارا قارىنداشپەن سالادى. ساداق اتۋدان شەبەر جانە كاراتەمەن اينالىسادى. تۇرمەدە وتىرعاندا رەيدجەن بارلىق باسقا تۇلعالاردى باسقارعان ەكەن.

ارتۋر مەن رەيدجەن باسقا تۇلعالاردى وتە ناشار جاعىمسىز دەپ ايتقان ەكەن.

 ونىڭ وزگە تۇلعالارىن عالامتوردان ءبيلليدىڭ ۆيكيپەدياسىنان تابا الاسىزدار.

بيللي 10 جىلدىڭ كولەمىندە ەمدەلۋدەن ءوتتى. 1991 - جىلى جازىلدى دەپ، بوساتىپ جىبەرگەن ەكەن. اۋرۋحانادان شىققان بويدا فيزيكامەن جانە ماتەماتيكامەن اينالىسىپ كەتتى. قازىرگى تاڭدا بيللي بالالاردى قورعاۋ ورتالىعىندا جۇمىس جاسايدى.

مۇسىماندار بۇنداي قۇبىلىستى ىشىنە جىن كىرىپ كەتكەن دەپ ايتادى. بۇرىندارى 2 نە 3 ادام كىرىپ كەتكەن دەگەندى ەستۋشى ەدىك. ەندى مىنە تۇتاستاي 24 ءى كىرىپ كەتكەن.

P. S. ادام بوپ وڭاي تۋعانمەن، ادام بوپ قالۋ كوپ قيىن!

blogtime.kz