08:13, 21 - قىركۇيەك 2017 | GMT +5
مەكسيكادا جەر سىلكىنىسىنەن قازا بولعاندار سانى 248 ادامعا جەتتى
استانا. قازاقپارات - مەكسيكادا بولعان جەر سىلكىنىسى سالدارىنان 248 ادام اجال قۇشتى، دەپ حابارلايدى روسبالت.

«ەڭ كوپ قازا بولعاندار مەحيكودا - 117 ادام. مورەلوستا - 72، پۋەبلدا - 43، ەدومەكستا - 12 جانە گەررەرودا ءۇش ادام قازا بولدى»، - دەپ ءمالىم ەتتى Twitter- دە ەلدىڭ ۇلتتىق-اپاتتىق قۇتقارۋ قىزمەتىنىڭ باسشىسى لۋيس فەليپە پۋەنتە.
بۇعان دەيىن كوز جۇمعان 139 ادام تۋرالى حابارلانعان بولاتىن. ABC News تەلەارناسى مەكسيكا استاناسىنداعى جەراستى دۇمپۋلەرىنىڭ سالدارى كورسەتىلگەن ۆيدەولاردى جاريالادى.