الماتىدا ىزدەۋدە جۇرگەن 240 قىلمىسكەر ۇستالدى
الماتىدا جەرگىلىكتى ۋچاسكەلىك ينسپەكتورلار جىل باسىنان بەرى 180 مىڭ تۇرعىن ءۇيدى تەكسەرگەن.
جۇرگىزىلگەن تەكسەرۋ بارىسىندا قالادا ىزدەۋدە جۇرگەن 240 قىلمىسكەر ۇستالىپ، 144 ءىز-ءتۇزسىز جوعالىپ كەتكەن ازامات تابىلدى.
سونداي-اق، 2203 ادامنىڭ تۇرعىلىقتى تىركەۋسىز ءومىر ءسۇرىپ جاتقانى انىقتالىپ، سالىق ورگاندارىنان تىس جالعا بەرىلىپ وتىرعان 916 ءۇي مەن پاتەر اشكەرەلەندى.
قالا باسشىسى احمەتجان ەسىموۆ الماتىدا جاسالعان قىلمىستاردىڭ ۇشتەن ءبىرىن سىرتتان كەلگەن ازاماتتار جاسايتىنىن ايتىپ ءوتتى.
«وسىعان بايلانىستى قالاعا قوسىلعان 23,2 مىڭ گەكتار ايماقتا قوعامدىق ءتارتىپتى ساقتاۋ ماسەلەسى وتە وزەكتى بولىپ وتىر. قۇقىق قورعاۋ ورگاندارى وسى اۋماقتاردىڭ قىر-سىرىمەن تانىسۋى كەرەك. جاڭا ايماقتاردىڭ قوسىلۋى قالاداعى جالپى قىلمىستىق احۋالعا كەرى اسەرىن تيگىزبەۋى شارت»، - دەدى قالا اكىمى احمەتجان ەسىموۆ.
اۆتور: گۇلميرا ءعوسمانالي
