14:12, 02 - قازان 2017 | GMT +5
امەريكاداعى اتىستان 24 ادام جاراقاتتانىپ، 2 ەۋى اجال قۇشتى
استانا. قازاقپارات - لاس-ۆەگاستا (نەۆادا شتاتى)، Mandalay Bay ويىن- ساۋىق كەشەنىنىڭ جانىندا اتىس بولدى، دەپ حابارلادى دۇيسەنبىدە جەرگىلىكتى ب ا ق لاس- ۆەگاس اۋرۋحاناسىنا سىلتەمە جاساپ.

Associated Press دەرەكتەرىنە قاراعاندا، 12 ادامنىڭ جاعدايى اسا اۋىر. لاس-ۆەگاس پوليتسياسى اتىسقا كۇدىكتى ءبىر ادامنىڭ مەرت بولعانىن مالىمدەدى.
كۋاگەرلەردىڭ ايتۋىنشا، وق اتۋشى قوناق ءۇيدىڭ بالكونىندا بولعان. ول جاقىن ماڭداعى كانتري- مۋزىكا فەستيۆالىنە كەلۋشىلەرگە باعىتتاعان. كەم دەگەندە 24 ادام جاراقات العان. ولار اۋرۋحاناعا جەتكىزىلدى.
پوليتسيا تۇرعىندار مەن تۋريستەردىڭ بۇل اۋدانعا كەلمەۋىن سۇراعان، سونداي-اق جاقىن جولداردىڭ جابىلاتىنى تۋرالى ەسكەرتتى.
وقىس وقيعا تۋرالى اقپارات قالانىڭ باسقا دا بولىكتەرىنەن كەلىپ تۇسۋدە. الدىن الا دەرەكتەرگە قاراعاندا، وق اتۋشى ءىزىن سۋىتقان.