پرەزيدەنت سايلاۋىنا كانديداتتاردى ۇسىنۋ 23- قىركۇيەكتە باستالادى – و س ك

استانا. قازاقپارات – ق ر پرەزيدەنتى سايلاۋىنا ۇمىتكەرلەردى ۇسىنۋ ەرتەڭ باستالادى، دەپ حابارلايدى قازاقپارات ءتىلشىسى.

«قازاقستان رەسپۋبليكاسىنىڭ پرەزيدەنتى لاۋازىمىنا كانديداتتاردى ۇسىنۋ سايلاۋ تاعايىندالعان كۇننىڭ كەلەسى كۇنىندە باستالادى. ياعني 2022 -جىلعى 23 - قىركۇيەكتە باستالىپ، 11 - قازان كۇنى ساعات 18:00-دە اياقتالادى»، - دەدى ورتالىق سايلاۋ كوميسسياسى ءتوراعاسىنىڭ ورىنباسارى كونستانتين پەتروۆ.

كانديداتتارعا قويىلاتىن تالاپتار:

ق ر ازاماتى بولۋى؛

ق ر اۋماعىندا سوڭعى 15 جىل بويى تۇرۋى؛

جوعارى ءبىلىمىنىڭ بولۋى؛

جاسى 40-قا تولعان بولۋى؛

بەلسەندى سايلاۋ قۇقىعىنىڭ بولۋى؛

مەملەكەتتىك قىزمەتتە نەمەسە سايلانبالى لاۋازىمدا كەمىندە 5 جىل جۇمىس تاجىريبەسىنىڭ بولۋى؛

مەملەكەتتىك ءتىلدى ەركىن مەڭگەرۋى.

«پرەزيدەنتتىككە كانديداتتاردى قولداۋ ءۇشىن وبلىستار، رەسپۋبليكالىق ماڭىزى بار قالالاردىڭ جانە استانانىڭ كەم دەگەندە 2/3 اتىنان تەڭدەي وكىلدىك ەتەتىن سايلاۋشىلار سانىنىڭ كەم دەگەندە 1 پايىزىنىڭ قولىن جيناۋ قاجەت. قول قويۋ پاراقتارىن بەرۋ كانديداتتىڭ كونستيتۋتسيا مەن كونستيتۋتسيالىق زاڭنىڭ تالاپتارىنا سايكەستىگىن انىقتاعاننان كەيىن 5 كۇننىڭ ىشىندە جۇرگىزىلەدى»، - دەيدى ك. پەتروۆ.

ونىڭ ايتۋىنشا، ءار كانديداتتى قولداۋ ءۇشىن 118273 سايلاۋشىنىڭ قولى جينالۋى ءتيىس.

اۆتور

داۋلەت ىزتىلەۋ