الماتىدا زاڭسىز ويىن بيزنەسىنەن 23 مىڭ دوللار تاركىلەندى

 الماتى. قازاقپارات - الماتى قالالىق مەملەكەتتىك كىرىستەر دەپارتامەنتىنىڭ ەكونوميكالىق زەرتتەۋ قىزمەتى 3 ۇيىمداسقان قىلمىس توبىن ۇستادى. بۇل توپتار زاڭسىز ويىن بيزنەسىمەن اينالىسىپ كەلگەن، دەپ حابارلايدى قازاقپارات ءتىلشىسى.

اتاپ ايتقاندا ولار ساۋدا ورتالىقتارى، سۋپەرماركەتتەر، دۇكەندەردىڭ الدىندا جالعان لوتەرەيالىق ەلەكتروندى تەرمينالدار ورناتقان.

سونىمەن قاتار الماتى قالاسىندا زاڭسىز ويىن زالدارىن اشقان قىلمىستىق توپ اشكەرەلەندى.

اتالعان دەرەكتەر بويىنشا ق ر ق ك- ءنىڭ 262-بابى بويىنشا «ۇيىمداسقان قىلمىستىق توپ قۇرۋ، توپ قۇرامىندا ارەكەت ەتۋ» دەگەن ايىپپەن سوتقا دەيىنگى تەرگەۋ جۇمىستارى باستالدى.

 ودان بولەك 4 استىرتىن كازينو، 31 زاڭسىز ويىن مەكەمەسىنىڭ قىزمەتى شەكتەلدى، 26 قىلمىستىق ءىس قوزعالدى.

 كولەڭكەلى اينالىمنان جالپى العاندا، 180 ەلەكتروندى ويىن تەرمينالى، 23 مىڭ ا ق ش دوللارى، 6,5 ميلليون تەڭگە، 4 پوكەر ۇستەلى، ويىن كارتاسى مەن فيشكالار تاركىلەندى.

ە ز ق وكىلدەرى الماتى بويىنشا 29 ويىن زالىنىڭ جۇمىسىن توقتاتتى.

تەكسەرۋ بارىسىندا «بينگو-37» ، «888» باعدارلامالارى ورناتىلعان 400 دەن استام ويىن كومپيۋتەرى،   316000 3 تەڭگە، 40 ويىن اۆتوماتى، 40 فلەشكارتا تاركىلەندى. قازىر اتالعان دەرەك بويىنشا ءىس ماتەريالدارى المالى اۋداندىق سوتىنا جىبەرىلدى.

ايتا كەتۋ كەرەك، ق ر ويىن بيزنەسى تۋرالى زاڭناما بويىنشا بۇل بيزنەستى تەك الماتى وبلىسىنداعى قاپشاعايدا جانە اقمولا وبلىسىنداعى شۋچينسك اۋدانىندا جۇرگىزۋگە رۇقسات ەتىلگەن.

ق ر لوتەرەيا جانە لوتەرەيالىق قىزمەت تۋرالى زاڭ بويىنشا لوتەرەيا ويىندارىن ارنايى ليسەنزياسى بار وپەراتورمەن بىرىگىپ جۇرگىزۋگە بولادى. ق ر ۇكىمەتىنىڭ قاۋلىسىمەن لوتەرەيا ويىندارىن جۇرگىزۋگە « ءساتتى جۇلدىز» ا ق- عا عانا ليتسەنزيا بەرىلگەن. كەز- كەلگەن لوتەرەيا قىزمەتىنە «ءساتتى جۇلدىز» ا ق قاتىسى بولماسا، ول زاڭسىز بولىپ تابىلادى.