اسكەري ۇشاقتى ۇرشىقشا يرگەن 23 جاستاعى قازاق قىزى - فوتو

استانا.قازاقپارات - وتكەن 6 - شىلدە، استانا كۇنىندە قازاقتىڭ ۇشقىش قىزى ءبىر ەرلىگىن استانا مەرەكەسىنىڭ قۇرمەتىنە ارنادى.

«سىزدەرگە ۇلتتىق ۇلاننىڭ 23 جاستاعى اعا ۇشقىش- شتۋرمانى اردانا بوتايدى (سۋرەتتە) تانىستىرايىن. ول قاراعاندى وبلىسىندا تۋىپ- وسكەن. كەيىن وتباسى استاناعا كوشىپ كەلدى.

اردانا 2011-جىلى №2 مەكتەپ- گيمنازيانى بىتىرگەن سوڭ الماتىداعى ازاماتتىق اۆياتسيا اكادەمياسىنا وقۋعا تۇسكەن. 2013-جىلى قازاقستان مەن فينليانديا اراسىنداعى ىنتىماقتاستىق جونىندەگى مەموراندۋمعا سايكەس، حەلسينكي قالاسىنداعى اسكەري ۇشقىشتار دايارلايتىن «پاتريا» مەكتەبىنە قابىلدانعان. 2015-جىلى كوممەرتسيالىق ۇشۋدىڭ «№fіn FCL83136» ەۋروپالىق ستاندارتى ليتسەنزياسىن العان.

اردانا بۇگىندە ۇلتتىق ۇلان اۆياتسياسىندا - «وڭتۇستىك» وڭىرلىك قولباسشىلىعىندا قىزمەت ەتۋدە. اردانانىڭ 240 ساعاتتىق ۇشۋ تاجىريبەسى بار. ول ەرتەڭ تۇڭعىش رەت «ا ن-26» اسكەري ۇشاعىنىڭ شتۋرۆالىنا وتىرماق جانە بۇل ساپارىن ەلوردا كۇنىنە ارناماقشى. قايسار قىزعا ساتتىلىك تىلەيمىز!» ، - دەپ حابارلايدى ءمولدىر ەركىن قىزى اتتى قولدانۋشى Facebook جەكە پاراقشاسىندا.

قازاقتىڭ جاپ- جاس اسكەري ۇشقىش قىزىنا سۇيسىنە تىلەگىن جازعان قولدانۋشىلار كوپ.

 

Stan.kz