09:00, 31 - ناۋرىز 2016 | GMT +5
شىمكەنتتە دارىگەرلەر 23 جاستاعى بويجەتكەننىڭ بۇيرەگىن الماستىردى
شىمكەنت. قازاقپارات - شىمكەنت قالالىق جەدەل- جاردەم اۋرۋحاناسىندا كەزەكتى ترانسپلانتاتسيالىق وتا جاسالدى. اق حالاتتىلار قوس بۇيرەگى ىستەن شىققان ازاماتشاعا وزگەنىڭ اعزا مۇشەسىن سالىپ بەردى.
وتا الدىمەن بۇيرەگىن بەرۋشى پاتسيەنتكە جاسالدى. دارىگەرلەر دونوردىڭ تىنىس الۋىن، جۇرەك سوعىسىن، ميىنىڭ، بۇيرەك جانە دە وزگە دە ماڭىزدى دەنە مۇشەلەرىنىڭ جۇمىسىن ءجىتى باقىلاۋدا. ولار دونوردىڭ اعزاسىنان ساۋ بۇيرەكتى الىپ، ناۋقاسقا سالىپ بەردى.
بۇل - مامانداردىڭ ترانسپلانتاتسيالىق وتا كەزىندەگى ەڭ ماڭىزدى، جاۋاپتى ءساتى. وپەراتسيا ءۇش ساعاتقا سوزىلدى، دەپ حابارلايدى otyrar.kz.
