قازاقستاندا جىلىجاي كولەمى ءبىر جىلدا 232 گەكتارعا ازايدى

سالانىڭ نەگىزگى كورسەتكىشتەرى تۋرالى اۋىل شارۋاشىلىعى ۆيتسە-ءمينيسترى امانعالي بەردالين باياندادى.
ونىڭ ايتۋىنشا، قازاقستانداعى جىلىجاي كولەمى وتكەن جىلدىڭ قورىتىندىسىنا سايكەس 232,3 گەكتارعا قىسقارىپ، 1,2 مىڭ گەكتاردى قۇرادى.
سونداي-اق جىلىجاي اۋماعىنىڭ قىسقارۋى وندىرىلگەن ءونىمنىڭ وزىندىك قۇنىنىڭ جوعارى بولۋىنا جانە بيزنەستىڭ تومەن رەنتابەلدىلىگىنە بايلانىستى.
بۇگىندە جىلىجايلاردىڭ نەگىزگى بولىگى تۇركىستان وبلىسىندا - 824,2 گەكتار، الماتى وبلىسىندا - 79 گەكتار، قاراعاندى وبلىسىندا - 43 گەكتار، شىمكەنتتە - 139,2 گەكتار كولەمىندە شوعىرلانعان.
قازاقستاننىڭ باسقا ايماقتارىندا دا جىلىجايدىڭ سالىستىرمالى تۇردە شاعىن الاڭدارى بار.
ۆيتسە-مينيستر ا ش م ماۋسىمارالىق كەزەڭدە ەلەكتر ەنەرگياسى، گاز، كومىر شىعىندارىن سۋبسيديالاۋدى ەنگىزۋ بويىنشا جۇمىس جۇرگىزىپ جاتقانىن اتاپ ءوتتى.
ول ءۇشىن 2023-جىلعى 1- مامىردان باستاپ كۇشىنە ەنگەن فەرمەرلىك جىلىجايلارعا ارنالعان ۇلتتىق ستاندارت (ق ر س ت 3834-2023) بەكىتىلدى.
جيىنعا بەينەكونفەرەنسيا ارقىلى اۋىل شارۋاشىلىعى تاۋارىن وندىرۋشىلەردىڭ وزدەرى دە قاتىستى.
تۇركىستان وبلىسىنداعى «اگروتۋر» شارۋا قوجالىعىنىڭ باسشىسى تۇرسىن تاسحودجايەۆتىڭ ايتۋىنشا، جالپى جىلىجاي ماسەلەسى شەشىلە باستاعان.
«سەڭ قوزعالدى، جىلىجاي شارۋاشىلىقتارى ءۇشىن ستاندارتتار قۇرۋ ماسەلەسى جابىلدى. كومىر بويىنشا ايتار بولساق، ءبىز «شۇباركول كومىر» ا ق- مەن وتىن جەتكىزۋ جونىندە شارت جاساسۋ ءۇشىن كووپەراتيۆ قۇردىق. ءبىز ءوزىمىز شامامەن 30-35 مىڭ توننا ساتىپ الدىق، ودان كوپ الۋعا قورقامىز، ويتكەنى ەگەر كوپ مولشەردە ساقتاساق، ول جانىپ كەتۋى مۇمكىن. اپتاپ ىستىق باسىلعاندا شارۋالار جانارماي ساتىپ الا باستايدى. ەگەر سۋبسيديا بولسا، وندا جىلىجاي شارۋاشىلىقتارى بەلسەندى ءوسىم كورسەتىپ، شارۋالار ناتيجەگە جۇمىس ىستەي باستايدى»، — دەدى تۇرسىن تاسحودجايەۆ.
جاقىن ارادا ينۆەستيتسيالىق سۋبسيديالاۋ شەڭبەرىندە جىلىجاي كەشەندەرىن سالۋ جانە كەڭەيتۋ جوبالارىن ىسكە اسىرۋ كەزىندە شىعىندى وتەۋدى %25 دان %30 عا دەيىن ارتتىرۋ جوسپارلانىپ وتىر.
ەرەجەنىڭ جوباسىن قىركۇيەك ايىنىڭ سوڭىنا دەيىن بەكىتۋ جوسپارلانعان.
بۇدان باسقا، جابىق توپىراقتا وسىرىلگەن كوكونىس داقىلدارىن ءوندىرۋدى دامىتۋ ماقساتىندا تىڭايتقىشتار (ورگانيكالىق داقىلداردى قوسپاعاندا)، پەستيتسيدتەر، بيواگەنتتەر مەن بيوپرەپاراتتاردىڭ قۇنىن سۋبسيديالاۋ، سۋارمالى سۋ، قيار جانە قىزاناق تۇقىمدارىن بەرۋ ارقىلى مەملەكەتتىك قولداۋ جالعاسادى.
سونداي-اق مەملەكەت تاراپىنان «اگروبيزنەس» امبەباپ نەسيەلەۋ باعدارلاماسى شەڭبەرىندە جىلىجاي قۇرىلىسىنا نەسيە بەرۋ جۇزەگە اسىرىلادى، بۇل رەتتە سۋبسيديا ەسەبىنەن مولشەرلەمە %6 دەيىن تومەندەيدى.