11:33, 10 - شىلدە 2016 | GMT +5
قىتايدا اسا جويقىن «نەپارتاك» داۋىلىنىڭ سالدارىنان ق ح ر شىعىسىنداعى 230 مىڭ ادام كوشىرىلدى
استانا. قازاقپارات - قىتايدىڭ شىعىس بولىگىنە جاقىنداعان «نەپارتاك» داۋىلىنىڭ كەسىرىنەن فۋجيان پروۆينتسياسىنىڭ بيلىگى 230 مىڭعا جۋىق ادامدى كوشىرۋ تۋرالى شەشىم قابىلدادى.
«سيكلوننىڭ كەسىرىنەن توپان سۋ مەن كوشكىن بولۋ قاۋپى بار اۋدان حالقى كوشىرىلۋدە. كەمەلەرگە پورتقا ورالۋ تۋرالى بۇيرىق بەرىلدى. فۋجيانداعى ازاماتتىق كەمەلەر سانى 30 مىڭنان اسادى»، دەپ حابارلادى اسسوشيەيتەد پرەسس اگەنتتىگى.
