جەتى جاسار ءبۇلدىرشىن ۇيىنەن 230 مىڭ رۋبل الىپ شىعىپ، بالالارعا تاراتىپ جىبەرگەن
كەيىن ونىڭ اناسى وندا كولىك ساتۋدان تۇسكەن 400 مىڭ رۋبل جاتقانىن حابارلادى.
ۇل بالا اۋەلى نەبارى ءبىر مىڭ رۋبل الىپ، ونى وڭدى-سولدى «تاماققا» جاراتقان، دەلىنگەن ءى ءى م- نىڭ چەليابى وبلىسى بويىنشا م ب- نان. بۇل اقشانىڭ قالعانىن ءبۇلدىرشىن ءۇيدىڭ اۋلاسىنداعى قۇمسالعىشتا ويناپ جۇرگەن وزگە بالالارعا تاراتىپ جىبەردى.
ودان كەيىن ۇيىنە قايتىپ ورالىپ، تاعى ءبىر بۋما اقشانى الىپ، قايتادان بالالارعا تاراتقان. ودان كەيىن، اتا-اناسىنان قورقىپ، قالعان اقشانى ءۇيىنىڭ ماڭىندا ورنالاسقان باتپاققا لاقتىرىپ جىبەردى.
اقىرى «قولى اشىق بالانىڭ» اناسى ۇيىنە ورالعاندا، شامامەن 230 مىڭ رۋبلدى تابا المادى.
Ural1.ru سايتىنىڭ حابارلاۋىنشا، ول 32 مىڭ رۋبلدى باتپاقتان الىپ شىعا الدى، كەيبىر سومانى اقشا تاراتىلعان بالالاردىڭ ەستى انا-انالارى قايتارىپ بەرگەن.
الايدا ونداي ادامدار كوپ بولعان جوق: 100 مىڭ رۋبلدى قايتارۋ قيىنعا سوعىپ وتىر.
