19:11, 04 - ءساۋىر 2020 | GMT +6
گەرمانيادا 2300-دەن استام دارىگەر كوروناۆيرۋس جۇقتىرعان
نۇر- سۇلتان. قازاقپارات – گەرمانيادا كوروناۆيرۋستان قايتىس بولعانداردىڭ قاراسى از بولعانمەن، دەرتتى جۇقتىرعانداردىڭ سانى كۇن سايىن ارتىپ كەلەدى.
سوڭعى ءبىر تاۋلىكتە ىندەتكە 6 مىڭنان استام ادام شالدىعىپ، ناۋقاستاردىڭ سانى 84 مىڭان استى. دەرتتەن 1 مىڭ 107 ادام كوز جۇمدى.
دارىگەرلەر اراسىندا ۆيرۋستى جۇقتىرۋ دەرەگى كوبەيگەن. قازىرگە دەيىن 2 مىڭ 300-دەن استام اق حالاتتى دەرتكە شالدىققان. ۆيرۋس ەڭ كوپ تارالعان باۆاريا، سولتۇستىك رەين- ۆەستفاليا جانە بادەن- ۆيۋرتەمبەرگ ايماعى بولىپ وتىر.
ايتا كەتەيىك، گەرمانيادا جالپى ۇلتتىق كارانتين ءتارتىبى ءساۋىردىڭ 19-ىنا دەيىن ۇزارتىلدى.
www.24.kz