23-25- قاراشادا ەلىمىزدىڭ باسىم بولىگىندە جاۋىن جاۋىپ، جەل تۇرادى - سينوپتيكتەر بولجامى

قازاقستاننىڭ باسىم بولىگى بۇرىنعىداي تسيكلون ىقپالىندا بولىپ، ەلدە جاڭبىر مەن قار تۇرىندەگى جاۋىن-شاشىن تۇسەدى: 23- قاراشادا وڭتۇستىك، وڭتۇستىك-شىعىستا، 23-24- قاراشا كۇندەرى سولتۇستىك-باتىستا، ال 24- قاراشادا - رەسپۋبليكانىڭ سولتۇستىگىندە قاتتى جاۋىن-شاشىن (جاڭبىر، قار) جاۋادى، دەپ حابارلايدى Kazinform.

«قازگيدرومەت» ر م ك مالىمەتىنشە، 25- قاراشادا ەلدىڭ وڭتۇستىك، وڭتۇستىك-شىعىسىندا جانە ورتالىعىندا كۇن رايى بىرتىندەپ جاقسارىپ، جاۋىن-شاشىن جاۋمايدى.

الداعى كۇندەرى رەسپۋبليكا بويىنشا جەل جىلدامدىعىنىڭ 15-28 م/س دەيىن كۇشەيەتىنى بولجانىپ وتىر. 23- قاراشادا ەلدىڭ سولتۇستىگىندە، سولتۇستىك-باتىسىندا، 23-24- قاراشا كۇندەرى وڭتۇستىك جانە وڭتۇستىك-شىعىستا جەل جىلدامدىعى 30 م/س جانە ودان كوپ بولۋى ىقتيمال. سولتۇستىكتە بۇرقاسىن، كوكتايعاق بولادى.

ەلدىڭ سولتۇستىك-باتىسىندا، سولتۇستىگىندە، ورتالىعىندا اۋا تەمپەراتۋراسىنىڭ تۇندە - 3-15 گرادۋسقا دەيىن تومەندەيتىنى بولجانىپ وتىر. رەسپۋبليكانىڭ وڭتۇستىگىندە جانە وڭتۇستىك-شىعىسىندا اۋا تەمپەراتۋراسى تۇندە 6- گرادۋستان 5+ گرادۋسقا دەيىن، ال شىعىستا 10- گرادۋستان 3+ گرادۋس ارالىعىندا تومەندەيدى.