اكىمشىلىك كەدەرگىگە تاپ بولعان 22 مىڭ كاسىپكەردىڭ ماسەلەسى شەشىلدى

انتيكور مالىمەتىنشە، ءجيى كەزدەسەتىن كەدەرگىلەردىڭ ءبىرى - رۇقسات قۇجاتتارىن بەرۋ.
اقمولا وبلىسىندا باسسەيندىك ينسپەكتسيا ارنايى سۋ پايدالانۋعا رۇقساتتى ۇزارتۋ ءۇشىن كاسىپكەردەن ەكولوگيالىق ساراپتاما قورىتىندىسىن ۇسىنۋدى تالاپ ەتكەن.
مەملەكەتتىك قىزمەتتى كورسەتۋ قاعيدالارىندا مۇنداي قورىتىندىلار كوزدەلمەگەن.
كاسىپكەر وتىنىشكە سۋ الۋدى ەسەپكە الۋ قۇرالدارىنىڭ بولۋى تۋرالى قۇجاتتىڭ ەلەكتروندى كوشىرمەسىن عانا قوسا بەرۋى ءتيىس.
سۋ پايدالانۋعا رۇقسات بەرىلدى. مەملەكەتتىك قىزمەتشىلەردى جاۋاپكەرشىلىككە تارتۋ بويىنشا ۇسىنىستار ەنگىزىلدى.
ءبىلىم بەرۋ جۇيەسىن زەردەلەۋ كەزىندە سىبايلاس جەمقورلىققا قارسى قىزمەت مەكتەپتە تاماقتاندىرۋ قىزمەتتەرىن جەتكىزۋشىلەرگە قىسىم كورسەتۋدىڭ تاعى ءبىر تاۋەكەلىن انىقتادى.
2022-جىلدىڭ تامىز ايىنان باستاپ ءبىلىم الۋشىلاردى تاماقتاندىرۋدى ۇيىمداستىرۋ قاعيدالارىنا ءمازىر- ورنالاسۋدى ازىرلەۋ جونىندەگى تالاپ ەنگىزىلدى.
الايدا، ەلوردا اكىمدىگى بۇل نورمالاردى ەلەمەگەن.
20 عا جۋىق كونكۋرس تالاپ ەتىلەتىن قۇجاتتارسىز وتكىزىلگەن.
سونىمەن قاتار، ورنالاسۋ ءمازىرى بالالاردىڭ تاماقتانۋ ساپاسىن قامتاماسىز ەتەتىن نەگىزگى قۇجات بولىپ تابىلادى.
سىبايلاس جەمقورلىققا قارسى قىزمەتتىڭ ۇسىنىسى بويىنشا مەملەكەتتىك اۋديت ورگاندارى كونكۋرستاردىڭ كۇشىن جويىپ، ءبىلىم باسقارماسى قاجەتتى قۇجاتتى ازىرلەۋدى باستادى.
سونداي-اق، «بيزنەسكە جول» جوباسى اياسىندا جوسپاردان تىس تەكسەرۋلەردى تاعايىنداۋ ءۇشىن مەملەكەتتىك كىرىستەر ورگاندارى جۇرگىزەتىن رەتتەلمەگەن سالىقتىق تالداۋلار زەردەلەندى.
ەنگىزىلگەن ۇسىنىمدار بويىنشا ۋاكىلەتتى مەملەكەتتىك ورگاندار وسىنداي تالداۋلار جۇرگىزۋ جانە جاڭا سالىق كودەكسىندە تەكسەرۋلەر تاعايىنداۋ ءۇشىن نەگىزدەمەلەردى بەكىتەدى.
بۇل جەمقورلىق تاۋەكەلىن تەك جۇيەلى دەڭگەيدە عانا ەمەس، قالىپتاسۋ ساتىسىندا دا الىپ تاستاۋعا مۇمكىندىك بەرەدى.
بۇل باعىتتاعى جۇمىس جالعاسىپ جاتىر.
اگەنتتىكتىڭ دەپارتامەنتتەرى «سىبايلاس جەمقورلىق تاۋەكەلدەرىنىڭ كارتالارىن» ەسكەرە وتىرىپ، قازىرگى ۋاقىتتا بيزنەس قۇقىقتارىنا نۇقسان كەلتىرۋگە ۇشىراعان سالالار بويىنشا جەمقورلىققا قارسى مونيتورينگتەر مەن جەمقورلىق تاۋەكەلدەرىنە تالداۋ جۇرگىزەدى.
سونىمەن قاتار، كاسىپكەرلەردىڭ ماسەلەسىن جەدەل شەشۋ مۇمكىندىگى بار.
ول ءۇشىن Facebook الەۋمەتتىك جەلىسى ارقىلى سىبايلاس جەمقورلىققا قارسى قىزمەتتىڭ اۋماقتىق دەپارتامەنتتەرىنىڭ باسشىلارىمەن بايلانىسۋ قاجەت.