الداعى كۇندەرى قارلى بۇرقاسىن سوعىپ، 22 گرادۋسقا دەيىن اياز بولادى

استانا. قازاقپارات - قازگيدرومەت الداعى كۇندەرگە ارنالعان اۋا رايى بولجامىن جاريالادى، دەپ حابارلايدى قازاقپارات.

«رەسپۋبليكانىڭ باسىم بولىگىندەگى اۋا رايىنا سولتۇستىك-باتىس انتيتسيكلونى اسەر ەتەدى. سونىمەن بىرگە جاۋىن-شاشىننىڭ قىسقا مەرزىمگە توقتاۋى جانە تەمپەراتۋرانىڭ تومەندەۋى كۇتىلەدى. كەزەڭنىڭ سوڭىندا فرونتالدى اعىنداردىڭ وتۋىمەن بىرگە رەسپۋبليكانىڭ باسم بولىگىندە جاۋىن-شاشىن بولادى، سولتۇستىكتە قار، ال وڭتۇستىك پەن باتىستا جاڭبىر مەن قار جاۋادى. رەسپۋبليكا بويىنشا جەلدىڭ 15-23 م/س دەيىن كۇشەيۋى، كوكتايعاق، تۇمان بولسا، سولتۇستىك، شىعىس، ورتالىقتا بۇرقاسىن كۇتىلەدى. تۇندە سولتۇستىكتە، شىعىستا، ورتالىقتا اۋانىڭ تەمپەراتۋراسى 8-22 گرادۋسقا دەيىن تومەندەيدى»، - دەلىنگەن حابارلامادا.